Disenjatorja Merita Harxhi Koci dhuron fustana në Qendrën për Mbrojtjen e Grave dhe Fëmijëve

30 Dhjetor, 2021 - 4:37 pm

Qendra për Mbrojtjen e Grave dhe Fëmijëve- viktimave që kanë pas dhunë në familje është vizituar nga disenjatorja Merita Harxhi Koci, e cila ju ka bërë një befasi për këtë fundvit, shkruan KultPlus.

Duke pas parasysh vuajtjet e këtyre grave, Harxhi Koci ka menduar që tu bëjë këtë festë të Vitit të Ri më të gëzuar e më elegant, e cila ju ka dhuruar fustane elegantë.

Harxhi Koci ka thënë për KultPlus se e kishte menduar se këto gra do ti lumturonte me këto dhurata, por nuk e kishte imagjinuar se do të gëzoheshin kaq shumë.

“Unë mendova se do ti gëzoj ato gra, por më e gëzuar dola unë, sepse u përmbusha kur pash kaq gëzim në fytyrat e tyre”, ka thënë Harxhi Koci.

Harxhi Koci shumë shpesh merr pjesë në iniciativa humane, e cila nëpërmjet punës së saj kreative merr pjesë në organizime të ndryshme humane./ KultPlus.com

Të ngjajshme