Lui Shtini vjen me ekspozitë personale në LambdaLambdaLambda

9 Shtator, 2018 - 9:00 pm

Lui Shtini këtë të martë do të prezantojë në LambdaLambdaLambda ekspozitën e tij të titulluar “Fused”, shkruan KultPlus.

Pikturat që do të karakterizojnë ekspozitën personale të Lui Shtinit janë të përzgjedhura nga veprat e vitit 2015 që shënojnë fillimin e eksplorimit të artistit në përplasjen e dy entiteteve brenda një përbërjeje horizontale. Në kërë ekspozitë për herë të parë do të ekspozohet kjo seri e pikturave.

Bashkimi i dy formave vjen si zgjerim i veprave të mëparshme të Shtinit të cilat janë fokusuar në një karakter të vetëm, duke lejuar një marrëdhënie më komplekse midis sipërfaqes, materialit dhe mediumit.

Lui Shtini është i lindur më 978 në Kavajë të Shqipërisë ndërsa ka studiuar në Akademinë e Arteve në Tiranë, që nga viti 1997 deri në vitin 2000, po ashtu ka ndjekur edhe Shkollën e Pikturës dhe Skulpturës Skowhegan në vitin 2007. Ai jeton dhe punon në Brooklyn, NY.

Ekspozita hapet të martën, më 11 shtator duke filluar nga ora 19:00 në LambdaLambdaLambda./ KultPlus.com

Të ngjajshme