займ на карту онлайн потребительский кредит

Martesa e Atyre, sonte prej orës 19:00 në Hapësirën Motrat

Mars 9, 2019 - 10:00 am

Sonte në kryeqytet do të mbahet një tjetër organizim artistik që ia vlen të vizitohet.

Bëhet fjalë për ‘Martesa e Atyre’, nga Valentina Bonizzi & ATA.

‘Martesa e Atyre’ është një intevenim performues që hulumton kuptimin shumëdimensional të ‘premtimit’. Kjo punë ka origjinë specifike në Kamëz që gjeografikisht konsiderohet periferia e Tiranës, historikisht Kamëza është qytet që u ndërtua përgjatë migrimit post-komunist më 1991 kryesisht nga pjesët malore të Shqipërisë në pjesën veriore të vendit.

Në këtë hapje të ekspozitës Valentina Bonizzi dhe ATA do të jenë në bisedë të hapur me stafin e Motrave dhe audiencën për të diskutuar për bashkëpunimin e tyre dhe potencialin që ekziston ndërmjet artit dhe aktivizmit.

Ngjarja mbahet prej orës 19:00 në Galerinë/Hapësirën Motrat, prapa Teatrit Kombëtar të Kosovës.

Valentina Bonizzi (lindur në Milano; jeton dhe punon midis Mbretërisë së Bashkuar dhe Shqipërisë)
Duke gërmuar në arkiva dhe komunitete, puna e Valentina Bonizzi-t thekson çështjet e drejtësisë shoqërore në lidhje me politikat e kohës në rrethana të veçanta. Bonizzi punon me një shumëllojshmëri mediumesh si: filmi, fotografia, tingulli dhe ndërhyrjet në hapësira publike.
Valentina ka mbrojtur masterin për Kërkime në Praktikat Pamore në Shkollën e Arteve në Glasgou (Glasgow) dhe doktoraturën (financuar nga AHRC-ja) në Universitetin e Dandisë (Dundee) (Qendra e Kërkimeve Pamore – Visual Research Center).

ATA janë vetë themeluar në vitin 2014, si një grup aktivistësh që vepron dhe punon në Kamëz, qytet i ndërtuar në periferi të Tiranës pas rënies së regjimit komunist. Përgjatë viteve të fundit të veprimtarisë, ATA kanë krijuar qendrën komunitare me të njëjtin emër në të cilën zhvillohen aktivitete social-kulturore duke eksploruar disiplina të ndryshme si arti relacional, gazetaria, antropologjia dhe ligji.
Në vetë të tretë numër shumës, ATA zihen në gojë por nuk janë aty. Mes ‘atyre’ edhe ‘neve’ ka gjithmonë një distancë. Akti i lindur si momenti i vendosjes në liri ruan boshin mes dy përemrave që të shihet më qartë e më thellë tjetri që është përballë.

Të ngjajshme