‘Salvator Mundi’ do të ekspozohet në Abu Dabi duke filluar nga muaji shtator.

Puna magjepsëse nga Leonardo Da Vinci nga data 18 shtator do të ekspozohet në Muzeun e Luvrit në Abu Dabi.

Në pikturë është Jezusi duke dhënë uratën ndërsa njihen rreth 20 versione të pikturës së njohur botërisht.

“Një pikturë që ka kaluar nëpër shumë duar, e humbur dhe e gjetur, më në fund vjen në vendin tonë dhe është dhurata që do ti japim botës. Piktura na takon të gjithëve” thotë He Mohamed Khalifa Al Mubarak nga Departamenti i Kulturës dhe Turizmit në Abu Dabi, shkruan KultPlus.

Vitin e kaluar piktura u shit në ankand për 450.3 milionë dollar duke u bërë kësisoj piktura më e shitur ndonjëherë në botë. Da Vinci shpesh konsiderohet nga studiuesit si “Gjeniu Universal” dhe “Njeriu i Rilindjes”.

Punët tjera të njohura të tij janë “Mona Lisa”, “The Last Supper”, “Lady with an Ermine”, “The Vitruvian Man” dhe piktura të tjera. / KultPlus.com