Shenoll Zehri shpalosë bukurinë e veshjeve kombëtare përmes fotografisë (FOTO)

28 Korrik, 2017 - 1:43 pm

Fotografi Shenoll Zehri, puna e të cilit gjithmonë mahnitë, kësaj radhe të bënë të dashurohesh në të, shkruan KultPlus.

Jeta Zymberi

Fotosesionet e tij të shumta që kryesisht lidhen me modën, kanë tërhequr gjithmonë vëmendje të madhe te publiku, por kësaj radhe ata që e donë fotografinë e Shenollit, janë mrekulluar nga e bukura që përçohet përmes artit të tij në fotosesionin e fundit i cili lidhet me veshjet kombëtare e që janë pa dyshim një nga manifestimet më të fuqishme të kulturës tradicionale shqiptare.

Veshjet kombëtare shqiptare dhe bukuritë e natyrës shqiptare, më saktësisht të Rugovës, janë dashkëdyzuar në këtë fotosesion të fundit të fotografit, për të përçuar një mesazh të qartë:

“Traditë është dashuria dhe kjo është arsyeja pse e duam traditën, ajo na veçon dhe është bukuria e të qenit shqiptar”, u shpreh fillimisht për KultPlus fotografi Shenoll Zehri.

Shenoll Zehri i cili këto fotografi i ka ndarë me KultPlus, ka treguar se qëllimi i këtij fotosesioni ishte që të bënte diçka më ndryshe.

“Doja të ofroja diçka më ndryshe, por gjithsesi të ketë kryefjalë artin përsëri. Mendoj se ky fotosesion pos që ka mjaft art në vetvete përcjell edhe një ngrohtësi të veçantë te kushdo që i sheh”, është shprehur tutje Shenolli.

Ky set fotografish është realizuar në Rugovë, sepse sipas Shenollit asnjë vend tjetër nuk do t’i përshtatej më shumë kësaj ideje.

“Vendimi për të realizuar një fotosesion të tillë e ka diktuar edhe lokacionin. Cili vend më bukur se Rugova do të vinte në pah bukurinë e veshjeve tradicionale edhe artin e traditës. Bukuritë natyrore të Rugovës janë përshtatur më së miri me gjithçka që kam dashur të shprehë. Gjithsesi është fotosesion i veçantë dhe krejt ndryshe nga të tjerët. Bart në vete një ngrohtësi dhe afërsi me të bukurën, tonën dhe çdo shqiptar e sheh si të veten”, tha tutje fotografi për KultPlus.

Sipas tij puna për realizimin e fotosesionit ka shkuar për bukuri dhe sipas planit, prandaj tani që puna është publikuar ai ndihem i përmbushur. / KultPlus.com





Të fundit

Të ngjajshme