Andi dhe Florist Bajgora me “Kiem Holijand” në Palm Springs International ShortFest

4 Qershor, 2018 - 10:10 am

“Kiem Holijand”, filmi me regji të Sarah Veltmeyer nga Holanda, i cili ka një kastë aktorësh nga Kosova, së fundmi u shpërblye me “Ariun e Kristaltë” në Berlinale”, shkruan KultPlus.

Kësisoj, ky film po vazhdon rrugëtimin e tij përmes personazheve që i jetësojnë vëllezërit Florist dhe Andi Bajgora-aktorë nga Kosova. Filmi, do të shfaqet më 24 qershor në Palm Springs International ShortFest.

Festivali i cili sivjet ka edicionin e tij të 24-të, nisë më 19 dhe përfundon më 25 qershor në Kaliforni.

Palm Springs International ShortFest është festivali më i madh dhe më i rëndësishëm i filmit të shkurtër në Amerikën veriore, me më shumë se 5000 aplikime çdo vit, nga 100 shtete të ndryshme të botës. ShortFest njëherësh është edhe festival kualifikues për çmimet Oscar, BAFTA dhe Los Premios Goya, dhe deri tash ka prezantuar mbi 100 filma të shkurtër të cilët janë nominuar dhe/ose shpërblyer me çmimin Oscar./ KultPlus.com

Të fundit

Të ngjajshme