Annette Bening, presidente e jurisë në Festivalin e Filmit në Venecia

5 Korrik, 2017 - 5:43 pm

Festivali i Filmit i Venecias është në kategorinë A të festivaleve.

Aktorja amerikane Anette Bening – e njohur për rolet e saj në Being Julia, Bugsy, The Kids Are All Right, do të jetë president e jurisë në kategorinë e filmave në konkurrencë në Festivalin e Filmit në Venecia.
Gjithsej nëntë personazhe do të jenë pjesë e kësaj jurie e cila do të ndajë çmimin për Luanin e Artë në këtë festival, si dhe çmimet tjera.

“Jam e lumtur që do të jem kryesuese e jurisë. Filmat më të mirë nga të gjithë bota vijnë në këtë festë filmi dhe jam e nderuar që do të mund të vlerësoj disa prej tyre” ka thënë aktorja.
Festivali i Filmit i Venecias është në kategorinë A të festivaleve ndërsa këtë vit mbahet nga 30 gusht deri me 9 shtator. Me 27 korrik në Romë do të bëhet i ditur edhe programi i festivalit. / KultPlus.com

Të fundit

Të ngjajshme