Cineplexx ka bërë të ditur se nga sot ka nisur kampanja “Luaj dhe Fito” ku në bashkëpunim me Mobil Shop Mani, që gjendet edhe në Albi Mall, do të dhuron një Iphone 13. Të gjithë ata persona që blejnë ndonjë biletë filmi për çfarëdo nga filmat që po shfaqen dhe do të shfaqen në vazhdim nga sot deri më 15 nëntor do të kenë mundësi të bëhen pjesë e lojës dhe të fitojnë këtë super-shpërblim. Loja do të vlejë për të dy kinematë, edhe në Prishtinë edhe në Prizren.

Në Cineplexx gjatë muajit tetor do të mund t’i shihni disa super-premiera botërore. Nga 6 tetori ka nisur të shfaqet një nga filmat më të pritur të vitit, No Time to Die, filmi i fundit i agjentit James Bond, ndërsa nga data 14 tetor arrin edhe filmi Venom 2: Let There Be Carnage, super-horrori Halloween Kills si dhe filmi i fundit nga regjisori Ridley Scot, The Last Duel. Pastaj, me datën 21 tetor do të mbahet premiera e filmit Dune, një tjetër film i shumëpritur nga ky vit, ndërsa në fund të muajit arrin animacioni The Addams Family 2.

Me masat e fundit nga qeveria, kinemaja ka ndryshuar orarin dhe nis punën nga ora 14:00 gjatë ditëve të javës, dhe në vikend nga ora 11:00. Meqenëse ora policore është ende në zbatim, shfaqja e fundit mbahet në ora 18:30 – 19:00, varësisht gjatësisë së filmit.

Informacionet për të gjitha premierat, filmat që do të shfaqen në Cineplexx si dhe oraret mund t’i gjeni webfaqen e Cineplexx.