Përmes një komunikate për media, ‘Anibar’ ka njoftuar se këtë vit do të udhëtojë nëpër qytet të ndryshme të Kosovës, përcjell KultPlus.

Duke sjellë eksperiencën e animacionit, për dy javë rresht, Anibar po shfaq filmat e tij të shkurtër, në shumë qytete të Kosovës dhe Shqipërisë.

Për të hapur Edicionin e 12-të, raketa e Anibarit në bashkëpunim me organizata të ndryshme, po fillon udhëtimin në këto qytete;

1. 3 Korrik – Mitrovicë (7Arte) duke filluar nga ora 20:00

2. 4 Korrik – Gjakovë (Parku kulturor “Ali Podrimja”) duke filluar nga ora 20:00

3. 8 Korrik – Prizren (LUMBARDHI) duke filluar nga ora 20:00

4. 9 Korrik – Tiranë (Reja.al) duke filluar nga ora 20:00

5. 14 Korrik – Prishtinë (Shtatëmbëdhjetë) duke filluar nga ora 19:00

6. 19 Korrik – Prishtinë (Kino Armata) duke filluar nga ora 19:00 

Përveç qyteteve të lartëpërmendura, ”Anibar” do të zbarkojë edhe në qytetin e Pejës, nga datat 23-30 korrik. / KultPlus.com