займ на карту кредит банк

Theron: “Besimi i njerëzve në mua, dhurata më e madhe”

Janar 7, 2019 - 9:30 am

Loading...

Një nga aktoret më të bukura të Hollywoodit, Charlize Theron, zbulon se si pa kirurgji estetike ajo mban një pamje rinore, një rrugë të përsosur dhe një formë të shkëlqyer, megjithëse është 43-vjeçe.

Rutina e mëngjesit

Zgjohem herët. Në ora 5 e 45. Jam një nënë e vetme me dy fëmijë. Bëj mëngjesin, ushqim për shkollën dhe i përcjell deri në autobus. Kur zgjohem, laj fytyrën me ujë të ftohtë, aplikoj balsam dhe krem për diell. Më pëlqen kremi “La Mer” për buzë dhe kremi për diell “La Roche-Posay”. Këto dy produkte janë në çantën time, në veturë… Unë ua aplikoj kremrat e diellit edhe fëmijëve të mi.

Flokët

Nuk mendoj se jam e guximshme kur është fjala për modën dhe stilet – pëlqej gjërat klasike. Megjithatë, nuk kam frikë të ndryshoj stilin e flokëve, pasi e di se ato do të rriten. Sa i përket produktit, kam vërejtur qartë dallimin në mes të formulave të sulfatit dhe jo sulfatit, kështu që produktet e mia për flokët nuk mund të kenë sulfate. Dikush më rekomandoi para një kohe të provoj vaj ricinus. Një ose dy herë në javë i laj flokët me këtë lloj vaji të pasur dhe masazhoj lëkurën për të stimuluar qarkullimin dhe rritjen e flokëve. Flokët e mi janë shumë të forta.

Ushqimi

Më shumë ushqime të papërpunuara, fruta dhe perime lokale dhe sezonale. Nëse nuk lëviz shumë, nuk mund të ha shumë. Jam e sinqertë ndaj vetes.

Stërvitjet

Jam plotësisht e dashuruar në pilates – një sistem i ushtrimeve për forcimin fizik dhe psikik. Krejtësisht ndryshoi pamjen e trupit tim. Kur shkoj në stërvitje, dhe fëmijët më pyesin se ku po shkoj unë, u them atyre: “Unë po shkoj në vendin ku më duket se zemra ime ende rreh shumë gjatë dhe është e shëndetshme”, transmeton KosovaPress.

Aktrimi

Kam qenë balerinë për një kohë të gjatë dhe kur kjo karrierë ngadalë u zhduk, më duhej kohë për të kuptuar me të vërtetë pse isha kaq e dashuruar me baletin. Kuptova se nuk ishte domosdo një teknikë vallëzimi, por aftësia për të qëndruar në skenë, për të mësuar diçka dhe për të treguar historinë. Kjo është arsyeja pse kam gjetur një mënyrë tjetër për të interpretuar historinë. Kam pasur një karrierë shumë të lumtur dhe u ndjeva shumë e bekuar. Të gjitha mundësitë që kam marrë…, njerëzit që besuan në mua, mendoj se është dhurata më e madhe. Sa herë që regjisori angazhohet, ai shikon dhe thotë: “Ti je ajo me të cilën dua ta bëj këtë film” – këto janë momentet e mia të preferuara. Ka diçka për këtë kur dikush dëshiron të kërcejë nga shkëmbi. Ende kujtoj kur Patty Jenkins erdhi tek unë dhe më ofroi një rol për filmin “The Monster”, isha në ‘trans’: a jeni e çmendur, a keni luajtur mendsh? Gjithmonë pyesja se sa njerëz mund t’i besojnë dikujt. Besimin në mua e konsiderojë si dhuratën më të madhe.


Të fundit

Loading...
Loading...

Të ngjajshme