Në garë me gati 400 Universitete, ekipi i fakultetit juridik të Universitetit të Prishtinës ka arritur të renditet në top treshen më të mirë në botë.

Për këtë sukses historik, sot i ka uruar studentët edhe ambasadori amerikan në Kosovë, Jeff Hovenier.

Hovenier është shprehur se SHBA-ja është krenare që ka ofruar mbështetje për studentët kosovarë.

“Urime ekipit të Moot Court të Kosovës për suksesin e tyre në skenën globale! Ne të gjithë festojmë atë që kanë arritur dhe SHBA-ja është krenare që ka ofruar mbështetje të gjatë për studentët kosovarë të drejtësisë në garat ndërkombëtare të ‘moot court’, përfshirë edhe këtë”.

Studentët e Fakultetit Juridik që korrën këtë sukses ishin Ariana Rexha, Dea Fetiu, Morea Pula, Melisë Sejdiu, Nol Musa dhe Rea Hadri, si dhe trajnerët: Donikë Qerimi, Ilir Hajraj dhe Art Sylaj. / KultPlus.com

Congratulations to Kosovo’s Moot Court team for their success on the global stage! We all celebrate what they have achieved, and the U.S. is proud to have provided longstanding support to Kosovan law students at international moot court competitions, including this one. https://t.co/nJFifqbRvE

— Ambassador Jeff Hovenier (@USAmbKosovo) March 29, 2024