Agjencia Shtetërore e Arkivave të Kosovës do të organizojë “Javën e Arkivit të Hapur”.

“Gjatë ‘Javës së Arkivit Hapur’, AShAK do të hapë dyert për publikun, me ç ‘rast të interesuarit kanë mundësinë të shohin për së afërmi punën dhe aktivitetet që bëhen në mjediset e Agjencisë Shtetërore të Arkivave të Kosovës, me qëllim të ruajtjes, mbrojtjes, prezantimit dhe përgatitjes për shfrytëzim të trashëgimisë së shkruar që gjendet në AShAK”, thuhet në njoftim.

Ambientet që do të mund të vizitohen janë salla e leximit, njësia e Rregullimit dhe përpunimit të lëndës arkivore, njësia e Mikrofilmimit dhe Digjitalizimit, njësia e Restaurimit/Konservimit, depo dhe biblioteka.

Hapja e “Javës së Arkivit Hapur” do të bëhet më 18 mars dhe do të zgjasë deri më 22 mars./rtk/KultPlus.com