Në amfiteatrin natyror në Qafën e Predelecit u organizua sot Logu i Bjeshkëve, një nga festat më të bukura të Malësisë së Madhe.

Agjencia Kombëtare e Turizmit bëri të ditur se, gjatë kësaj feste, bashkë me natyrën e mrekullueshme të Bjeshkëve të Kelmendit, mijëra vizitorët e mbërritur shijuan vallet e shtojzavalleve të Malësisë së Madhe të stolisura me xhubletën e hijshme, si dhe këngë baritore e patriotike të luajtura me lahutë e çifteli.

Ky manifestim kulturor promovon traditat më të bukura të Malësisë së Madhe, të trashëguara brez pas brezi.

Agjencia Kombëtare e Turizmit fton qytetarët që të përdorin aplikacionin TEA, për t’u njoftuar për të gjitha eventet turistike dhe kulturore në vendin tonë.

“Me TEA-n që prin udhëtimet tuaja nëpër të gjitha destinacionet turistike përjetoni festat më të bukura shqiptare”, thekson AKT./atsh/KultPlus.com