“Më duhen më shumë birra”! Gjyshes në karantinë i vjen pakoja gjigante

15 Prill, 2020 - 6:42 pm

Një 93 vjeçare në karantinë u bë e famshme pasi u fotografua nga një i afërm i saj me një kanaçe birre në dorë dhe një tabelë ku shkruhej: “Më duhen më shumë birra”!

Fotoja u bë virale në internet, dhe gjyshes i mbërritën oferta nga e gjithë bota. Por “hallin” e saj e zgjidhi shpejt kompania e birrës Coors Light, e cila ia mbushi shtëpinë plot me arka. Padyshim, Olive Veronesi nuk e kishte pritur diçka të këtyre përmasave. “ Kur pamë mesazhin e Olivias, e kuptuam menjëherë se nuk mund të mos e mbërthenim rastin për tu lidhur me dikë që solli një buzëqeshje në fytyrat tona gjatë pandemisë, por edhe për ta falenderuar për faktin që është fanse e Coors Light”, tha zëdhënësi I kompanisë për CNN.

Fotoja e 93 vjeçares që mbante në dorë një kanaçe të kësaj firme, është shpërndarë më shumë se 5 milionë herë në internet. Olive po qëndron brenda në shtëpi gjatë kësaj periudhe, për të ndihmuar veten dhe të tjerët. Sapo i mbërritën 10 arkat me birrë, ajo hapi një kanaçe, e provoi dhe tha: “ Paska shije të mirë”. Coors Light ndërkohë u ofrua që ta përsërisë furnizimin për gruan e moshuar dhe familjen e saj, sapo të kenë nevojë!

Të fundit

Të ngjajshme