Këto ditë nxënësit e Shkollës Finlandeze në Kosovë kanë mirëpritur nxënësit nga dega e saj në Turqi, Shkolla Finlandeze në Çanakala ku kanë shkëmbyer metodologji të mësimdhënies por edhe në të njëjtën kohe kanë mësuar rreth kulturave të ndryshme finlandeze, turke, si dhe kosovare e shqiptare. Pasi kjo vizitë rastisi, në vigjilje të shënimit të 28 nëntorit, nxënësit e Shkollës Finlandeze kanë realizuar aktivitete të shumta rreth gërshetimit të kulturës shqiptare dhe traditat dhe ushqimet shqiptare po i shijojnë edhe nxënësit e huaj në Shkollën Finlandeze. 

Si pjesë e lëndës ekonomia shtëpiake, nxënësit po mësojnë se si të gatuajnë edhe ushqimet tradicionale shqiptare si flija. Njëra nga nxënëset e Shkollës Finlandeze me kombësi kroate tashmë ka mësuar gatimin e flisë dhe tani ajo po mëson një nxënëse nga Turqia. “Eshtë kënaqësi të mësojmë për traditat e kulturave të ndryshme, dhe kjo është mënyra më e mirë: përmes ushqimit,” tha Ema Vlahovic, nxënësja kroate në klasën e 7 në Shkollën Finlandeze. “Gatimi i saj është mjaft i lehtë dhe është shumë e shijshme,” thotë nxënësja nga Turqia teksa përgatit rendet e flisë. 

Me këtë rast nxënësit nga Turqia mësuan edhe më shumë rreth traditave dhe kulturës shqiptare dhe kosovare. Në Shkollën Finlandeze, nxënësit inkurajohen në mësimin e kulturave dhe traditave të njëri-tjetrit, duke ndikuar kështu në një frymë tolerante dhe miqësore mes nxënësve të kombësive të ndryshme dhe në krijim të një mentaliteti global.

Rreth Shkollës Finlandeze

Duke filluar nga kopshti e deri në edukimin në shkollën e mesme, Shkolla Finlandeze zbaton qasjen e veçantë finlandeze të bazuar në projekte dhe praktikë; Zhvillimit të kreativitetit përmes lojrave dhe metodave kreative; Avancimit në shkenca dhe matematikë përmes eksperimenteve praktike dhe zhvillimit të njohurive të avancuara në robotikë dhe kodim. Sot, modeli arsimor finlandez udhëheq në botë si sistemi më i mirë arsimor për shkak të dallimit nga modelet tradicionale të arsimit dhe aplikimit të teknologjive dhe metodologjive më të avancuara dhe moderne të arsimit. Inspiruar nga sistemi i arsimit finlandez, i cilësuar si “mrekulli e arsimit” nga Banka Botërore, Shkolla Finlandeze aplikon metodat më inovative dhe moderne të mësimdhënies në edukimin e nxënësve dhe rritjen e tyre intelektuale, emocionale, dhe shoqërore.

Me sistemin numër 1 në botë për edukim; me mësimdhënës të shkëlqyeshëm finlandez dhe ndërkombëtarë; me teknologji të avancuar dhe iPad edukativ për secilin nxënës; me mësimin e bazuar në fenomene e lojra, dhe jo vetëm lëndë; dhe me qasjen krejt ndryshe të të mësuarit dhe zhvillimit të shkathtësive të shekullit 21 tek fëmijët, Shkolla Finlandeze në Kosovë është shkolla ndërkombëtare më inovative në vend me sistemin arsimor më të avancuar në Kosovë.