Këngët e Vjollca Robellit po finalizohen në Los Angeles, aty ku janë punuar këngët e Michael Jackson e Joe Cocker

17 Korrik, 2017 - 2:43 pm

Këngë tipike me rrënjë shqiptare, por finalizimi i tyre po bëhet në një ndër studiot më prestigjioze të botës për master, shkruan KultPlus.

Bëhet fjalë për këngët “Zare” dhe “Burrnesha”, të këngëtares Vjollca Robelli Mripa, e cila para pak muajsh i promovoi këto këngë në Prishtinë, kurse tashti janë në fazën finale ku po bëhet master i tyre, në studion prestigjioze të masterit në botë në “Bernie Grundman Mastering Studios”, në Los Angeles të SHBA-ve.

Vjollca Robelli Mripa ka thënë për KultPlus se ndihet të jetë e privilegjuar që këngët e saja të cilat këndohen shqip dhe të cilat shtjellojnë traditën dhe kulturën shqiptare, tu bëhet master në këtë studio prestigjioze. Në këtë studio të famshme, finalizimin e këngëve e kanë kryer edhe këngëtarë të famshëm botërorë, si Micheal Jackson, Prince, Macy Gray, Mary G Blidge, The Doors, Joe Cocker e shume yje te tjera botërore. /KultPlus.com

Të fundit

Të ngjajshme