Kompozitori i ‘Nëntori’ dhe ‘Më fal’ do ta kompozojë këngën e Maqedonisë në Eurovision

20 Shkurt, 2019 - 6:00 pm


Do të jetë këngëtarja Tamara Todevska ajo e cila do të dërgojë Maqedoninë në Eurovizionin e këtij viti, në muajin maj.

Tamara ka provuar edhe një herë më parë ta përfaqësojë Maqedoninë në Eurovizion, në vitin 2008, atëherë bashkë me Adrian Gaxhën, por nuk u futën në finale.

Këtë vit, Tamara do të bashkëpunojë mes tjerash edhe me kompozitorin e njohur Darko Dimitrov. Dimitrov është i njohur edhe për bashkëpunimet e tij me emrat shqiptarë të muzikës, si Rosela Gjylbegu, Altuna Sejdiu, Pirro Çako, Elvana Gjata, Aurela Gaçe, Arilena Ara e artistë të tjerë.

Ende nuk është publikuar kënga e Tamarës, por me vulën e Dimitrov dhe bashkëpunëtorëve të tij do të jetë padyshim një krijim i rëndësishëm dhe i fortë në garën e Eurovizionit. / KultPlus.com

Të fundit

Të ngjajshme