Këngëtarja e njohur shqiptare, Linda Halimi, është rikthyer sërish në festivalin “Kënga Magjike”. Artistja vjen sërish pas dy vitesh meqë në 2019 kishte bërë tërheqje nga ky kompeticion pa ndonjë arsye.

Ajo ditën e djeshme ka publikuar këngën e re, me të cilën do të shfaqet në këtë edicion të Këngës Magjike.

“Pa t’pa” titullohet projekti, i cili është një baladë që përputhet pikërisht me formatin e këtij festivali.

Tekstin dhe muzikën e ka bërë vet Linda në bashkëpunim me kompozitorin Florent Boshnjaku. Ky i fundit po ashtu është përkujdesur për producimin, miksimin dhe masterizimin e këngës. / KultPlus.com