‘O dheu im, përkëdhelma fytyrën’, këngë për vëllezërit Gërvalla (VIDEO)

27 Mars, 2018 - 10:16 pm

KultPlus ju sjellë këngën “Baladë për mikun tim” kënduar nga grupi Foleja.

Grupi u formua në vitin 1978 nga një grup të rinjsh nga Kumanova si: Qenan Ismaili, Enver Latifi, Shenoll Aliu, Besnik Arifi së bashku me Edita Ramizin (e cila iu bashkua grupit më vonë).

Kjo këngë është krijuar në momentin kur janë kthyer arkivolet e vëllezërve Gërvalla në Kosovë në mars të vitit 2002, dhe iu kushtohet atyre. Ata u vranë në një atentat në Untergrupenbach të Gjermanisë.

Ti mos qaj,
ti mos qaj o toka ime
se po vi sot unë
po vij krenar tek ti

Dhe të pushoj,
të pushoj në gjirin tënd unë
se sot po ndjejë
po ndjejë amshim të plotë

O dheu im
përkëdhelma fytyrën
se aroma jote
më mungon aq fortë

O ti mos qaj
ti mos qaj o nëna ime
se toka ime o nënë
sot mua më ledhaton / KultPlus.com

Të fundit

Të ngjajshme