Prishtina calling, Enver Petrovci prezanton votat e Jugosllavisë në Eurovizion (VIDEO)

12 Dhjetor, 2017 - 5:26 pm

Ka qenë Eurovizioni i vitit 1986 kur është dëgjuar emri Prishtinë.

Prishtina Calling – është thënë nga asokohe Enver Petrovci. Gara evropiane e muzikës asokohe mbahej në Norvegji ndërsa votat e Jugosllavisë në natën finale i prezantoi aktori, me anë të telefonit.

Nga Prishtina, Petrovci prezantoi votat e votuesve nga Jugosllavia në garën ku merrnin pjesë 20-të këngë. Edicionin e fitoi Belgjika, ndërsa Jugosllavia ia dha dhjetë pikë kësaj kënge.

Kjo ka qenë edhe hera e vetme kur votat në këtë garë janë transmetuar nga juria në Prishtinë, ndërsa Kosova vazhdon të mos marrë pjesë në garën muzikore, kjo për shkaqe kryesisht politike, shkruan KultPlus.

Enver Petrovci, vite më vonë, do të kthehej si një pjesëmarrës në Festivalin e Këngës në Radio Televizionin Shqiptar, ku nëse do të fitonte do të përfaqësonte Shqipërinë në Eurovizion.

Saktësisht, Petrovci në vitin 2014-të këndoi në Festivalin e TVSH-së këngën “Të vranë bukuri”.

Asokohe, për Jugosllavinë në këtë garë këndoi Doris Dragovic, ndërsa u pozicionua në vendin e 11-të. Disa vite më vonë Jugosllavia do të shembej ndërsa shtetet e dala sot konkurrojnë të ndara në Eurovizion, përfshirë Kroacinë, Bosnjën, Slloveninë, Malin e Zi, Maqedoninë e Serbinë. / KultPlus.com

Të fundit

Të ngjajshme