“Pse po më qortoni, zotëria juaj”, filmi shqiptar që frymëzoi “Fisnikët”

28 Janar, 2019 - 9:57 pm

“Zotëria juaj” është një nga këngët më të njohura të grupit “Fisnikët”, por pak dihet se ku buron inspirimi për këtë këngë.

Para disa ditësh këngëtari dhe kompozitori i saj, Agim Gërguri në emisionin “Xing me Emalin” tregoi historinë e kompozimit.  Ai tregoi se kënga ka lindur nga filmi “Tinguj lufte”, shkruan KultPlus.

Agim Gërguri tregoi tutje se për këtë këngë ishte inspiruar kur ishte vetëm 17 vjeçar.

“Kam qenë në shkollë të mesme, viti ’82, isha 17 vjeç. Në atë kohë ka ardhur në Kosovë nga nëna Shqipëri filmi “Tinguj lufte”. Është një djalë aty që luan me violinë dhe zotëri Galipi. Tërë kohën ai përmendet si ‘Zotëri, zotëri’. Unë duke shkuar në shtëpi po mendoja pse mos e bëj një tekst dashurie me këtë temë. Ta lidh me temën: Pse zotëria nuk e lë vajzën të dalë me mua, pse më bërtet. E kam kompozuar në vitin 1982. Në atë vit kompozova edhe këngën ‘Shiu’ por e inçizova në vitin 2000”, ka thënë ai./ KultPlus.com

Të ngjajshme