Dua Lipa me videoklip të ri

15 Maj, 2021 - 1:27 pm

Dua Lipa është ende duke shijuar triumfin në ceremoninë e ndarjes së çmimeve “Brit Awards” ku rrëmbeu dy çmime, atë për “Këngëtaren më të mirë britanike” dhe “Albumin më të mirë”, për albumin “Future Nostalgia”.

Mirëpo, këngëtarja nga Kosova, nuk e ka ndërmend të pauzojë gjatë pas kësaj ngjarjeje. Burime të “The Sun”, kanë thënë se Dua është duke punuar për xhirimin e një klipi të ri.

“Dua është ende duke e shijuar suksesin e albumit të saj të fundit dhe fitoren e dyfishtë në “Brit Awards” mirëpo ajo nuk dëshiron të ndalet. Tashmë është duke punuar për videoklipin i cili do të jetë i mahnitshëm. Një numër i madh i njerëzve janë duke marrë pjesë në realizimin e tij, duke përfshirë këtu edhe një kali”, është shprehur burimi.

Ndërkaq, se kur pritet të publikohet videoklipi dhe për cilën këngë bëhet fjalë, nuk është bërë ende e ditur. / Koha.net/ KultPlus.com

Të fundit

Të ngjajshme