Mediat serbe sulmojnë Era Istrefin: “Këndoi e zhveshur në kishë, tash po e hapë Botërorin”

23 Maj, 2018 - 3:06 pm

Lajmi që Era Istrefi do të jetë pjesë e këngës zyrtare të Botërorit në futboll Rusia 2018 është dhënë edhe në mediat serbe.

Gazeta “Blic” e quan kontraverse këngëtaren nga Prishtina duke thënë se ajo ka kënduar gjysmë e zhveshur në objektin e Kishës Ortodokse të Serbisë, duke aluduar në një videospot të saj të publikuar vite më parë.

“Ajo synon me anë të paraqitjeve provokative të tërheq vëmendjen ndërkohë që para 4 vitesh është akuzuar për shkak të videospotit kontravers të këngës ‘E dehun’, në të cilin gjysmë e zhveshur vallëzon në tempullin e kishës Krishti Shpëtimtar në Prishtinë”, shkruan gazeta “Blic”, transmeton mapo.

FIFA do ta prezantojë Himnin e Botërorit 2018 më 25 maj.

Të fundit

Të ngjajshme