Veprat e Alfred Mirashit në Bienalen e Jinanit shihen nga 10 mijë vizitorë në ditë

Artisti shqiptar Alfred Mirashi, i njohur me emërtimin artistik ‘Milot’, është bërë pjesë e ekspozitës së parë të Bienales Ndërkombëtare të Jinan, shkruan KultPlus.

Përderisa ekspozita në provincën e Shandongut të Kinës është hapur në dhjetor, artisti Mirashi ka treguar për numrin e vizitorëve në rrjetet sociale.

 “Sot në Bienalen, Jinan, 10 mijë vizitorë në një ditë”, ka shkruar Alfred Mirashi.

Në këtë biennale, Mirashi është i pranishëm me dy vepra pikturale të vitit 2017, “Këndi Mesdhetar” dhe “Këndi Oriental”.

Kjo ekspozitë shfaq punimet e 100 artistëve nga mbi 20 vende të botës. / KultPlus.com

“Key of Montevergine”, vepra e artistit shqiptar merr formë

Vijojnë punimet për realizimin e “Key of Montevergine” (Çelësi i Montevergine) të artistit Alfred Mirashi “Milot” shkruan e përditshmja italiane oggiquotidiano për veprën gjigande, mbi 40 metra e lartë, e cila do të vendoset në rrugën që çon në Abacinë Montevergine.

Pozicioni i përzgjedhur këtë herë për vendosjen e veprës, që do të jetë një “ginës” për dimensionet, është ai i daljes në rrugën Avellino-Ovest, ku fillon ngjitja për në Abacinë Montevergine e cila vizitohet çdo vit prej më shumë se një milion e gjysmë pelegrinë.

Prej vitesh “Çelsi” është simboli mbi të cilin Miloti punon me bindje, një çelës që merr forma si thirrje kundër mureve dhe ndarjeve.

Shqiptari Alfred Mirash Miloti, nën drejtimin artistik të Michele Stanzione dhe me ndihmën e kompanisë Metal Zurlo, për “Çelësin”, një simbol pozitiv i shpresës, një dëshirë e Presidentit të Provincës së Avellino Domenico Biancardi.

Vendi i instalimit nuk është zgjedhur rastësisht dhe as titulli i veprës mbi 40 metra, në materialin e preferuar të artistit çelik korteni, dhe do të instalohet në rrethrrotullimin Mercogliano.

Një punë, pra, që të gjithë do ta shohin si një “thirrje” universale të respektit reciprok midis njerëzve, në mënyrë që ata të jetojnë në paqe me njëri-tjetrin dhe që të mos ketë më vende të mbyllura dhe të largëta. Artisti dëshiron, në një moment kaq të vështirë për të gjithë botën, të jap një mesazh shprese që synon të zgjojë mendimin kolektiv të një shoqërie që ka humbur kohët e fundit vetëvlerësimin.

“Vepra ime është një mesazh pozitiv i shpresës, për të shmangur frikën individuale ose kolektive që na rrethon – deklaroi Milot – veçanërisht sot kur, për shkak të një pandemie, kemi frikë nga fqinji ynë më shumë se më parë. Të gjithë kemi të drejtë t’i bëjmë ëndrrat tona të vërteta dhe të gjithëve duhet t’u garantohen të njëjtat mundësi për ta bërë këtë”.

Në vitet e fundit, “çelësi” është bërë një emblemë referimi për Milotin, një simbol i të gjitha veprave të tij, si në pikturë, në skulpturë dhe në instalime të mëdha.

“Çelësat e Milotit” janë një simbol universal i lirisë dhe paqes kundër lidhjes me pushtetin e shoqërisë bashkëkohore, dhe veçanërisht kundër sistemit të ndërlikuar burokratik që përfaqëson një kufizim të madh të sistemit ndërkombëtar kapitalist.

Konceptualisht çelësi, një objekt i përdorimit të përditshëm bëhet një mjet për të rimarrë të kaluarën me gëzimin e së tashmes për të parë të ardhmen.

Ndaj Presidenti i Provincës së Avellino Domenico Biancardi ftoi artistin Milot të krijojë “Çelësin e Montevergine”, duke zgjedhur një vend simbolik për instalimin e tij. Një rrethrrotullim, një rreth pa fillim dhe fund, pothuajse simbolizon rrethin e jetës, një rilindje e një shoqërie të lirë, e hapur për gjithçka dhe për të gjithë, e hapur për dialog, konfrontim dhe në të cilën ekziston mundësia për të gjithë./ KultPlus.com

Dikur mbërrinte si refugjat, sot artisti shqiptar i dhuron Italisë veprën e artit “Çelësi i Cervinares”

Gazeta italiane “La Republica” i ka kushtuar sot një artikull artistit shqiptar Alfred Mirashi, i cili mbërriti në Itali në 6 mars 1991 si refugjat dhe tanimë i dhuron këtij vendi një vepër arti. Bëhet fjalë për një skulpturë të quajtur “Çelësi i Cervinares”, me një gjatësi prej 20 metrash.

“Sepse një çelës duhet të përdoret një herë e mirë për të hapur dyert dhe zemrat”, shpjegon “Miloti”. Në veprat e artistit e hasim shpesh çelësin si simbol, të hapjes ndërmjet kulturave dhe sfumimit të kufijve dhe barrierave përmes artit, përcjellë Shekulli.

Cervinara është një provincë e Avelinos në rajonin e Kampanias, që shtrihet mes një fushe të gjelbër dhe maleve të Partenios. Përpos faktit që është një vepër tejet e realizuar artistikisht, skulptura e “Milotit” pritet të hyjë në librin e rekordeve “Guinness”.

Alfred Mirashi, që njihet me emrin e artit si “Milot”, për shkak të qytetit ku ka lindur, në rrethin e Kurbinit, u mirëprit kur ishte vetëm 20 vjeç nga komuniteti në fjalë. Këtu fillon ngjitja e tij artistike, ku Mirashi del i pari në Brera, ekspozon në Maschio Angioino te Napolit, Ku familja nga Cervinara e filozofit Bianco e i suoi figli Avv, Raffaello e Gjenerali Francesco Bianco e ndihmuan shume, pastaj ne Firence, Romë, Torino, Milano, Venecia e deri në Kinë, duke ngjallur interesin e galeristeve dhe muzeumeve me të famshme në botë./KultPlus.com