Dy vëllezërit shqiptarë marrin pjesë në America’s Got Talent, lënë pa fjalë jurinë (VIDEO)

Dy vëllezër shqiptarë kanë marrë pjesë në America’s Got Talent dhe e kanë lënë pa fjalë jurinë me një performancë cirku.

Juria dhe publiku që po ndiqte performancën, mbetën gojëhapur nga interpretimi i tyre.

“Jemi të shokuar, jeni të mrekullueshëm”, kjo ishte ajo që juria tha pas performancës, shkruan gazeta express.

Vëllezërit Balla morën gjithë votat e jurisë, për të kaluar në fazën tjetër./ KultPlus.com

Vdes nga Covid-19 ylli i “America’s Got Talent”, Jay Jay Phillips

Ylli i “America’s Got Talent”, Jay Jay Phillips, ka vdekur pas një beteje me COVID-19 , sipas një raporti nga TMZ të  premten. Ai ishte 30 vjeç.

Trupi i Phillips thuhet se u gjet nga nëna dhe e dashura e tij në Ditën e Falënderimeve, të  cilët kishin shkuar në shtëpinë e tij për ta kontrolluar.

Një i afërm i Jay Jay tha për median se rokeri ishte i pavaksinuar, por mendonte të marrte vaksinën antiCovid kur u sëmur me virusin.

Një ditë para Ditës së Falënderimeve, u tha se gjendja shëndetësore e Jay Jay po përkeqësohej dhe pavarësisht se u kërkua nga të afërmit e tij që të shkonte në spital, ai qëndroi në shtëpi për të pushuar, shkruan DailyMail.

Ai thuhet se u kishte thënë familjarëve në bisedën e tij të fundit me ta se kishte nevojë vetëm për më shumë pushim.

Babai i tij, me të cilin Jay Jay jetonte në atë kohë, aktualisht është i shtruar në spital dhe në një ventilator, raporton TMZ.

Phillips, i cili njihet më shumë nga stili të flokëve prej një ylli të rock-ut, së pari fitoi famë duke performuar në tastierën e tij në sezonin e katërt të “America’s Got Talent”.

Ai u eliminua në raundin e audicionit atë sezon, por e ktheu shfaqjen në sezonin 12 duke arritur në raundin e Judge Cuts.

Jay Jay lindi në Cleveland, Ohio dhe kishte qenë i përkushtuar ndaj muzikës për pjesën më të madhe të jetës së tij, duke performuar në garat e grupeve rock me grupin e tij “Hysteria” që kur ishte në shkollë të mesme.

Sezoni i 16-të i AGT përfundoi në shtator, çmimin kryesor e fitoi magjistari, Dustin Tavella, i ndjekur nga akrobati Aidan Bryant në vendin e dytë dhe komediani Josh Blue në të tretin. /KultPlus.com

23-vjeçari i verbër dhe me autizëm, fiton ‘America’s Got Talent’

Kodi ishte konkurrenti më i komentuar i këtij sezoni për shkak të gjendjes së tij shëndetësore. Kodi ishte i verbër dhe autik, por me një talent të jashtëzakonshëm në muzikë.

Ai këndoi në bashkëpunim me Leona Lewis dhe Cher dhe preku zemrat e publikut amerikan me këngën “You are the reason”

Gjatë finales u realizuan performanca mbresëlënëse prej finalistëve të këtij formati.

Të gjitha performancat ishin të denja për çmimin e madh prej 1 milion dollarësh, por diferencën padyshim e bëri Kodi.

Kodi, arriti që përmes performancës së tij, me një zë të mahnitshëm të ngjallë emocione të papërshkruara te publiku.

Bashkangjitur gjeni performancën e tij në bashkëpunim me këngëtaren e njohur britanike Leona Lewis/21media/KultPlus.com

Darci Lynne Farmer fituese e “America’s Got Talent” (VIDEO)

12 vjeçarja, Darci Lynne Farmer, është fituesja e edicionit më të fundit të talent shout ‘America’s Got Talent’.

Në natën finale të kësaj gare, dyshja e fundit e cila arriti t’i mbijetojë eliminimit nga 10 konkurrentët sa kishin mbetur, ishin Farmer dhe këngëtarja e re në moshë Angelica Hale.

Kjo e fundit e zuri vendin e dytë si dhe morri lëvdata të shumta për zërin e mrekullueshëm.

Dy vajzat e reja, kishin arritur ta mposhtin një konkurrencë të fuqishme sivjet në këtë shou, dhe në natën finale nuk mundën ta fshehin emocionin e madh që i kishte kapluar, sidomos në momentin e shpalljes së emrit fitues.

Ndiqeni videon e momentit të shpalljes së, Darci Lynne Farmer, fituese e shout “America’s Got Talent”./ KultPlus.com