Filmi horror “Bloolands”, ku luan aktorja shqiptare Ilire Vinca, ka marrë disa nominime në çmimet prestigjioze ASSG Awards 2017.
“Bloodlands” ka marrë nominime në kategoritë miksimi më i mirë muzikor, Andrew Plain Award for Best Film Sound Design, Member’s Choice dhe Soundtrack of the Year.
“Bloodlands” është lansuar në shkurt të këtij viti. Filmi me regji e skenar nga Steven Kastrissios tregon historinë e një familjeje shqiptare e cila ballafaqohet me gjakmarrje – një fenomen ky i njohur në Ballkan, shkruan KultPlus.
Në film luajnë edhe Suela Bako, Alesia Xhemalaj, Gëzim Rudi, Emiljano Palali, Florist Bajgora, Andi Begolli, Fioralba Kryemadhi e aktorë tjerë.
Çmimet ASSG (Australian Screen Sound Guild) ndahen në Australi. / KultPlus.com