Etiketë: Behu Zeri im

Nesër shpaloset instalacioni ‘Ende Këtu’, një akt publik i kujtesës dhe rezistencës

Posted on by Kult Plus

Me rastin e Ditës Ndërkombëtare për Eliminimin e Dhunës Seksuale në Konflikt, paraqitet instalacioni Ende Këtu – një akt publik i kujtesës, rezistencës dhe solidaritetit me të mbijetuarat e dhunës seksuale gjatë luftës.

Ngjarja mbahet nesër (19 qershor) në sheshin Adem Jashari në Prishtinë, duke filluar nga ora 13:30.

Instalacioni organizohet nga Medica Gjakova në bashkëpunim me organizatat partnere të platformës Be My Voice, KRCT, QPDG dhe Medica Kosova.

Përmes këtij instalacioni, i jepet zë heshtjes së imponuar, nderohet forca dhe qëndresa e të mbijetuarëve – ende këtu, ende duke folur, ende duke kërkuar drejtësi./ KultPlus.com

Vera Ora vazhdon angazhimin në kampanjën ‘Bëhu zëri im’

Posted on by KultPlus

‘Bëhu zëri im’ – është kampanja përmes së cilës synohet përkrahja për të mbijetuarit e dhunës seksuale gjatë luftës në Kosovë.

Vera Ora, nëna e këngëtares së njohur Rita Ora, po e vazhdon kësisoj angazhimin e dy grave të fuqishme të familjes për këtë kauzë të veçantë.

Ora kësisoj ka takuar njerëz të fushës duke e vazhduar kësisoj kontributin e Ritës në këtë kampanjë që ndihmon largimin e stigmës.

“Jam e lumtur që po ndaj njohurinë time rreth shëndetit mendor dhe përvojën e kësaj fushe me gratë në Angli” ka shkruar Vera Ora në rrjetin social Facebook.

Ajo është takuar me Sebahate Pacollin, Erëmirë Berishën, Feride Rushitin dhe Chablise Stoner në Prishtinë.

Rita dhe Vera njihen për angazhimin e tyre në adresimin e çështjes së të mbijetuarve të dhunës seksuale gjatë luftës që Serbia bëri në Kosovë. / KultPlus.com