Rita Ora publikon urimet e bëra nga fansat e saj: Nuk do të isha personi që jam pa mbështetjen tuaj

Këngëtarja shqiptare me famë botërore, Rita Ora të enjten e 26 Nëntorit ka festuar ditëlindjen e saj të 30-të. Urimet që i janë bërë këngëtares kanë qenë të shumta, duke filluar nga familjarët, miqtë, kolegët si dhe adhuruesit e saj, shkruan KultPlus.

Në një postim të bërë në Twitter, Ora ka publikuar një video katërmbëdhjetë minutëshe me urimet që i janë dërguar nga adhuruesit e saj.

“Faleminderit shumë për të gjithë ju !! Unë nuk do të isha personi që jam sot pa dashurinë dhe mbështetjen tuaj të pakushtëzuar !! Faleminderit fansave të mi që kaluan këtë udhëtim me mua dhe mesazhet tuaja të bukura, mezi po ju pres të ju takoj të gjithëve përsëri !!!”, ka shkruar ajo./ KultPlus.com

Rita Ora uron festën e pavarësisë në gjuhën shqipe

Këngëtarja shqiptare me famë botërore, Rita Ora ka zgjedhur një mënyrë të veçantë për të uruar ditën e flamurit, shkruan KultPlus.

Ajo nëpërmjet një postimi në rrjetin social Twitter, ka uruar ditën e flamurit në gjuhën shqipe, si dhe atë angleze .

“URIME DITA E FLAMURIT!!!! #28Nëntori Happy Independence Day #Albania”, ka shkruar Ora.

Tutje ajo në këtë postim ka bashkangjitur edhe dy fotografi, ku këngëtarja shqiptare ka të veshura qizme të kuqe me shqiponjën e vizatuar në to./KultPlus.com

Rita me fotosesion mahnitës për “Numero Berlin”

Rita Ora e cila sot feston ditëlindjen e 30-të, ka publikuar fotografitë që ka realizuar për revistën e famshme “Numero Berlin”.

Ora i ka shpërndarë fotografitë në rrjetin social Instagram.

Rita duket shumë bukur në fotografitë e publikuara.

“Në ditëlindjen time jam shumë e lumtur të ndaj kopertinën dhe të pozoj për Numero Berlin. Ju i keni këto për tani, por qëndroni të gatshëm pasi unë ndoshta do të postoj shumë më tepër. Faleminderit për ekipin e mrekullueshëm që realizuan këtë fotosesion”, ka shkruar ajo. / KultPlus.com

View this post on Instagram

A post shared by RITA ORA (@ritaora)

Urimi prekës i Vera Orës për Ritën

Rita Ora sot po feston ditëlindjen.

Me këtë rast, nëna e saj Vera Ora i ka dedikuar një mesazh shumë të mirë, përcjellë me një fotografi kur ajo ishte e vogël.

Vera po ashtu tregon sakrificat dhe fillimet e tyre, duke theksuar se kur u zhvendosën në Londër nuk kishte asgjë përveç familjes.

“Mamaja nuk kishte asgjë kur u transferuam në Mbretërinë e Bashkuar, nuk mund të fliste gjuhë por kishte familjen, kualifikime të Dr dhe pa punë! Pavarësisht nga çdo luftë që jeta na hodhi ne e bëmë atë dhe ju vazhduat të ndriçonit rrugën tuaj. Ju keni vazhduar të bëheni shembull, t’ju tregoni vajzave të reja se mund t’i bëni realitet ëndrrat tuaja me shumë mund dhe vendosmëri! Unë të dua dhe të uroj ditëlindjen Rita Pita! Urime ditëlindja nana. Nënë krenare. Krenaria jonë”, ka shkruar ajo. / KultPlus.com

Rita Ora mbush 30 vjet

Rita Ora mbushi sot plot 30 vjet.

Ora, ka lindur në Kosovë në vitin 1990, derisa bëri famë botërore në Britani, atje ku edhe jeton dhe ushtron profesionin e saj si këngëtare.

Ora është rritur në Londër.

Përveç muzikës, Ora ka gëzuar suksese të mira edhe në fushën e televizionit dhe filmit. Ajo e ka portretizuar motrën e Christian Greyt në filmat “Fifty Shades of Grey” dhe në vitin 2021 do të lansohet projekti “Tëist” i bazuar në romanin klasik të Charles Dickensit, ku ajo e luan rolin e hajdutes Artful Dodger.

Rita Ora gjithashtu shquhet si filantrope aktive në çështje të ndryshme, dhe në vitin 2019 ajo u angazhua si ambasadore e vullnetit të mirë për “UNICEF UK”. / KultPlus.com

Ora: Titulli “Ambasadore Nderi e Kosovës” ishte një nga momentet më të mira të jetës sime

Këngëtarja e famshme shqiptare, Rita Ora përgjatë bisedës në konferencën virtuale “Diaspora Flet 2020” me Erion Veliajn, u shpreh se ndjehet krenare për prejardhjen e saj dhe titullin që Kosova ia ka dhënë, shkruan KultPlus.

Përgjatë bisedës me kryebashkiakun e Tiranës, Ora shtjelloi tema të ndryshme, ndër të tjera ajo foli edhe për nacionalitetin që ka.

Këngëtarja Ora nuk kursei së shprehuri se ndjehet krenare për titullin që Kosova ia ka dhënë.

“Kam qenë gjithmonë entuziaste e të folurit kaq hapur e të pasurit titullin Ambasadore Nderi e Kosovës sepse ishte një nga momentet më të mira të jetës sime”, u shpreh ajo.

Ndër të tjera ajo përmendi edhe mënyrën se si është rritur.

“Jam shumë krenare nga vij dhe prindërit e mi më kanë rritur duke folur shqip në shtëpi dhe me frymën e kulturës trashëgimisë dhe me këtë vjen krenaria, vendosmëria, disiplina dhe ti thjesht bëhesh më i vendosur nga ç’je, ndihem kaq e gëzuar që shoh artistë të famshëm që vijnë nga vendi im”, theksoj Ora.

Videon e plotë të bisedës mund ta shikoni në: https://www.facebook.com/watch/?v=370470467351771 . / KultPlus.com