Mezosoprano Mehmedi prezantoi me sukses kulturën tonë në Bullgari

Mezosopranoja Besiana Mehmedi ka patur performancë të shkëlqyer bashkë me Pranvera Hoxhën dhe Alba Muçolli Dehiri në Sofje dhe në Chirpan.

Koncerti i parë u realizua në Qendrën Informative Kulturore ku ishte e pranishme ambasadorja e Shqipërisë, Donika Hoxha, si dhe përfaqësues të ambasadës së Kosovës.

Drejtori i Qendrës Informative të Maqedonisë në Sofje, Sashko Nasev ka hapur koncertin duke theksuar sa i rëndësishëm është bashkëpunimi Maqedoni, Bullgari, Kosovë.

Në koncert u ekzekutuan nga duo piano vepra të Brams, Dvozhak, Rauf Dhomi kurse Besiana Mehmedi ishte fokusuar më tepër në vepra premierike shqiptare si “Shpresë kthimi” – Enver Stafaj, “Në legjenda” – Samu Piraj. Nuk munguan dhe veprat botërore siç janë “Seguidila” nga Carmeb e G.Bize.

Koncerti i dytë u mbajt në muzeun “Javorov” në Chirpan duke përfaqēsuar kështu Kosovën dhe Maqedoninë, por dhe shkollën e Tiranës në mënyrë të mrekullueshme.

Në koncertin e dytë u interpretua për herë të parë nga Besiana një këngë e vjetër në gjuhën bullgare që la mbresa të veçanta. Koncertet u realizuan me angazhimin e sekretarit shtetëror në Ministrinë e Kulturës në Maqedoninë e Veriut, Valmir Aziri dhe dirigjentit bullgar Christo Christov.

Koncerti i Besiana Mehmedin me duo piano Alba Muçolli e Pranvera Hoxha vjen pas një bashkëpunimi të mëparshëm në Maqedoni, por me një program krejtësisht tjetër! / Koha.mk / KultPlus.com

Besiana Mehmedi, kthehet pas një dekade në Opera

Në kuadër të “Verës kulturore tetovare” me datë 28 korrik me fillim në ora20:00 mezzosopranoja Besiana Mehmedi për herë të parë shfaqet para publikut tetovar me shfaqje dhe rol operistik.

Nga viti 2002-2003 kur kishte pasur eksperience në Teatrin e Operës në Tiranë dhe më 2008 kur ka luajtur për herë të fundit në Verën e Ohrit, ështê shfaqur me koncerte por jo me role operistike.

Sigurisht që është sfiduese për të ky kthim pas një dekade në një shfaqje impenjative “Orfeo dhe Euridika” të Gluck.

Përveç Besiana Mehmedit që luan rolin e Orfeut, në rolet tjera do të jetë Slavica Galic që luan Euridiken dhe Nita Ismaili që luan Amoren.Regjia është bërë nga Trajko Jordanovski kurse korepetitor eshte Andrej Naunov.

Shfaqja ipet me datë 28 korrik në ora 20:00 në Qendrën për Kulturë në Tetovë.