Poezi nga Elizabeth Bishop
Arti i humbjes s‘është vështirë për t’u zotëruar
Kaq shumë gjëra janë të mbushura me qëllimin për t’u humbur
Sa që humbja e tyre s’është fatkeqësi.
Humbni diçka çdo ditë. Pranoni acarimin
e çelësave të humbur, ose të orës së shkuar kot
arti i humbjes s’është vështirë për t’u zotëruar
pastaj praktikoni humbjen e largët, humbjen e shpejt
shtigjet dhe emrat, edhe vendet që donit t’i vizitonit
asnjë nga këto s’do të sjellë fatkeqësi.
Kam humbur orën e mamasë, dhe shih,
E fundit apo thuajse e fundit tri shtëpi më shkuan
Arti i humbjes s’është vështirë për t’u zotëruar.
Kam humbur dy qytete, të bukura, të mëdha
Ca toka që zotëroja, dy lumenj, një kontinent
Më mungojnë, por nuk ishte ndonjë fatkeqësi.
–Edhe humbja jote (zëri, gjestet që i dashuroja)
Nuk do gënjej. Është e qartë!
Arti i humbjes s’është aq i vështirë për t’u zotëruar
Ndonëse duket i tillë (shkruaje) sikur të ishte ashtu.
Përktheu: Rrona Jaka / KultPlus.com
