‘Dikur u takuam sytë unë prapë t’i pashë, shumë fjalë nuk t’i thashë’ (VIDEO)

Motivi i dashurisë shtrihet më së bukuri në çdo fushë të artit, duke bashkëdyzuar dimensione të ndryshme, shkruan KultPlus.

Disa kanë shkruar për ndarje, disa kanë pikturuar një pamje magjepsëse, e disa i kanë kënduar mallit të zemrave.

Një këngë tejet e veçantë në këtë rrafsh mbetet “Buzët më ishin tharë” nga Eranda Libohova, e cila nën tekstin e Ardita Jatrus sjell një nostalgji tejet sentimentale.

KultPlus ua sjell tekstin dhe interpretimin e Libohovës të këngës “Buzët më ishin tharë”:

Ika dhe të lashë unë, sytë më nuk ti pashë
Oh sa të kam dashtë, oh sa të kam dashur ty
Edhe pema ku ne putheshim më parë
Degët ishin tharë, degët ishin tharë për ne
Më dhe një shami ti si kujtim të parë
Me lotë e kam larë, me lotë e kam larë për ty.
Nuk të kisha pranë unë si një vit më parë
2X Buzët më ishin tharë, buzët më ishin tharë për ty


Dikur u takuam sytë unë prapë t’i pashë
Shumë fjalë nuk t’i thashë, shumë fjalë nuk ti thash unë ty
Lotët ishin tharë dhe gjumë nuk kish në sy
Erdha të t’jap ty,  erdha të t’jap ty këtë natë
Ëndërr e pafund kjo nata jonë e parë
Dita nuk po zbardhë, dita nuk po zbardhë për ne
Une të kisha pranë si një vit më parë
2X Buzët më ishin tharë, buzët më ishin tharë për ty


Ika dhe të lashë unë, sytë më nuk ti pashë
Oh sa të kam dashtë, oh sa të kam dashur ty
Edhe pema ku ne putheshim më parë
Degët ishin tharë, degët ishin tharë për ne
Më dhe një shami ti si kujtim të parë
Me lotë e kam larë, me lotë e kam larë për ty.
Nuk të kisha pranë unë si një vit më parë
2X Buzët më ishin tharë, buzët më ishin tharë për ty . / KultPlus.com

Eranda Libohova rikthehet pas 17 vitesh në Festivalin e TVSH-së me këngën “100 pyetje” (VIDEO)

Ka nisur prezantimi i këngëve të këtij edicioni të Festivalit të Televizionit Shqiptar. Gjatë ditëve në vazhdim ne do të sjellim një e nga një bagazhin artistik të këtij edicioni.

Në Festivalin e Këngës të vitit 1986 kënga “Ku vajti vallë ai djalë” u shpall fituese e vendit të dytë ndërsa ylli i muzikës kishte nisur rrugën drejt sukseseve të mëdha. Eranda Libohova do t’i jepte origjinalitetin e saj duetit me të motrën, Irmën, si dhe çdo kënge tjetër të interpretuar prej saj duke e shndërruar në një artiste mjaft të dashur për publikun. Ky duet do të pasohej nga një tjetër vetëm një vit më vonë, “Nuk e harroj” e Agim Krajkës do të rrëmbente çmimin e parë. Si këngëtare solo Eranda do të ngjitej në skenën e Fest’ 28 me këngën “Mijëra zëra në zërin tim”.

Një tjetër sukses është ai i vitit 1996 me këngën “Kthehu për vete, për mua”. Të tjera do të pasonin si çmimi i interpretueses më të mirë me këngën “Bota iluzion” në vitin 1997, vendi i dytë me “Apokalips” sërish duet me Irma Libohovën dhe vendi i dytë në Fest’ 40 me këngën “Më prit”. Eranda Libohova rikthehet në Festival pas 17 vitesh, këtë herë me këngën “100 pyetje” me muzikë të Gent Myftarajt dhe tekst të Pandi Laços.

Në ndërkohë do t’i dëgjojmë edhe këngët tjera që konkurrojnë në këtë festival, i cili fituesin e dërgon për përfaqësim në Eurovizion, në Izrael. Festivali zhvillohet në datat 20-21- 22 dhjetor në Pallatin e Kongreseve. /KultPlus.com