Eugent Bushpepës po i bëhet më e vështirë konkurrenca në Eurovizion (VIDEO)

Shqipëria ka qenë shteti i parë që ka zgjedhur këngën përfaqësuese për Eurovision Song Contest 2018.

Dhjetori i vitit të kaluar nxori Eugent Bushpepën si përfaqësuesin e Shqipërisë në Eurovizion.
Që nga ajo kohë, shtete të tjera kanë zgjedhur përfaqësuesit e tyre në Eurovizion.
Pra, Eugentit po i shtohet konkurrenca dhe këngët tjera janë të fuqishme, secila me veçantinë e saj, shkruan KultPlus.

Greqia ka dalë të jetë një këngë e fuqishme që po pëlqehet, njëjtë edhe sikur Italia, me këngëtarin shqiptar Ermal Meta dhe me Fabrizio Moron në duet.

Edhe Çekia e ka zgjedhur këngën e saj përfaqësuese, një këngë ritmike dhe tipike për Eurovizion.

Armenia do të vendosë sonte në mbrëmje se cila këngë do ta përfaqësojë shtetin në garën më të madhe të muzikës në Evropë, që përcillet nga miliona njerëz nga mbarë bota. Franca, Gjermania, Spanja, Malta, Serbia, të gjitha kanë zgjedhur këngët e tyre përfaqësuese.

Eurovizioni mbahet me 8,10 dhe me 12 maj në Lisbonë të Portugalisë. Për Shqipërinë, shpresojmë kalimin në finale por edhe një rezultat të fuqishëm, pse jo brenda në dhjetëshen më të mirë. / KultPlus.com