“Break The Darkness”, koncerti elektrizues i Eugent Bushpepës (VIDEO)

Sot KultPlus përkujton koncertin virtual të titulluar “Break The Darkness”, përmes së cilës jehoi zëri i artistit Bushpepa.

Zëri unik i Eugent Bushpepës solli performanca të njëpasnjëshme të cilat depërtuan thellë tek dashamirët e muzikës rok dhe jo vetëm.

Magjia e teksteve, muzikaliteti dhe interpretimi i këngëve bëri që ky koncert i drejtpërdrejt të mbahet mend gjatë në kujtesën e çdo kujt. Andaj edhe sot, magjia e një artisti të tillë po vazhdon të shijohet.

Koncerti ishte realizuar me mbështetjen e Bashkisë së Tiranës dhe Credins Bankës. / KultPlus.com

Eugent Bushpepa elektrizon Mitrovicën

Pas një jave me plot aktivitite edukative dhe kulturore, mbrëmë u mbyllë edicioni i njëmbëdhjetë i ”Green Fest”, transmeton KultPlus.

Pas performancës së bendit arbëreshë Shega, ishte Eugent Bushpepaj ai që “ndriti” ngjarjen mē të madhe kulturore në qytetin e Mitrovicës, festivalin multidiciplinarë ”Green Fest”.

Krejt në fund DJ Wise gjallëroi audiencën duke mbyllur një edicion të ndërtuar e kuruar në nivele të standardeve ndërkombëtare.

Green Fest krahas ekspozitave, instalacionit, ligjeratave, shfaqjes së filmave, debateve, aksioneve mjedisore e punëtori vizionuese, arriti të përmbyllet me dy net muzikore të organizuara në hapësirën e qendrës Fatime Xhaka, në Mitrovicë.

Ky program gjeti partnerë nga Muzeu i Qytetit, si dhe qe mbështetur nga MKRS, Komuna e Mitrovicës, programi Human Rightivism, ndërmarrja Trepça, e sponzorë si Raiffaisen Bank, Lab Smart Investing, e biznese të ndryshme vendore.

Ky manifestim u organizua sipas masave parandaluese e në fuqi për parandalimin e COVID-19. / KultPlus.com

Sonte në qytetin e Mitrovicës festohet me tingujt e muzikës

Sonte në qytetin e Mitrovicës, pas mbarimit të programit edukativ, nën motin “Ndrite qytetin” festohet me tingujt e muzikës.

Në kuadër të masave të reja nga Ministria e Shëndetësisë dhe IKSHPK nga data 20 gusht – 1 shtator 2021, hyrja në ambientet e hapura (në këtë rast, hapësira e hapur- qendra sportive Fatime Xhaka) ku mbahet Green Fest 11, për të gjithë ata që duan të marrin pjesë, do të vijoj duke preznatuar në hyrje një nga dëshmitë e mëposhtme:

Certifikatën e vaksinimit (së paku një dozë);

Test i shpejtë antigjen negativ jo më i vjetër se 48 orë.

Testi RT-PCR negativ për COVID-19, jo më i vjetër se 72 orë;

Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik –IgG, i lëshuar më së shumti para 30 ditëve;

Programi:

Dren Abazi & Zig zag Orchestra

E shtunë (21.09.2021)

Jericho

Uran B

E diele (22.09.2021)

Shega – bend arbëreshë nga Italia

Eugent Bushpepa

Dj Wise

Green Fest është ngjarja më e madhe kulturore në qytetin e Mitrovicës, që organizohet për njëmbëdhjetë vite me radhë nga organizata kulturore 7Arte. / KultPlus.com

Bushpepa për KultPlus: Kosova është shtëpia ime e dytë

Xhemile Hysenaj

Ishte vetëm pesë vjeç kur për herë të parë u bë një me skenën, që prej atëherë, skena dhe muzika ishin dy elementet e pandashme të tij. Bëhet fjalë për këngëtarin e njohur shqiptar, Eugent Bushpepa, zëri i fuqishëm i të cilit mbrëmë mahniti publikun e Prishtinës në hapësirën e ”Roof Terrace”, shkruan KultPlus.

Zëri i veçantë i Bushpepës, deportoi në shpirtin e secilit që ndodhej aty, duke ngjallur kështu emocione të mëdha që dijnë të dalin vetëm nga vokali i një këngëtari si ai. Një shpirt artisti, të cilit paraqitja e hatashme skenike i buronte nga shpirti, duke e mbajtur atmosferën e gjallërisë verore në ajër.

Ekipi i KultPlus ishte i pranishëm dhe pati rastin të realizonte edhe një intervistë me Bushpepën.

”Kanë qenë prindërit e mi ata që për herë të parë panë se unë kisha talent minimal për këngën dhe që në moshën 6 vjeçare e deri në moshën 10 vjeçare më kanë angazhuar me pinoerët e asaj kohe në Rrëshen, në vendin tim të lindjes, dhe që atëherë nuk jam shkëputur më nga muzika”, ka theksuar Bushpepa për KultPlus.

Bushpepa ndër të tjera ka shpalosur për KultPlus se ka qenë vetëm 10 vjeç kur është lidhur me muzikën Rock dhe se që atëherë nuk i është ndarë këtij zhanri, duke u bërë kështu një me të.

Bushpepa ka qenë ndër këngëtarët shqiptar pjesëmarrës në Eurovision, i cili do të mbetet gjatë në kujtesën e atij festivali të madh të muzikës. Mirëpo, edhe pse me një vokal tejet të veçantë, Bushpepa tregohet modest dhe shprehet se ka pasur shumë emocione në atë periudhë, madje ka bllokuar edhe rrjetet sociale për të mos parë se çfarë diskutohet në trojet shqipfolëse për performancën e tij.

”Periudhën e Eurovisionit e kam pasur me shumë siklet nga ana emocionale sepse kisha shkuar në limitet e mia vokale dhe kam qenë shumë i stresuar. Atë tre minutësh që kam qenë në skenë jam përpjeur që të jap maksimumin. Edhe pse i kisha mbyllur të gjitha rrjetet sociale dhe nuk dija se çfarë po flitej për mua, kur jam kthyer më ka pëlqyer shumë feedback-u që e kam marrur nga gjithë shqiptarët dhe jam ndarë shumë i kënaqur”, ka theksuar tutje Bushpepa për KultPlus.

Artisti tenton që përmes artit të tij të shfaqë gjithmonë emocionet apo përjetimet më të mëdha të shoqërisë, i tillë është edhe Bushpepa, ai e konsideron veten pak anarkik dhe thekson se artisti duhet të jetë gjithmonë në opozitë.

”Përveç se unë shpreh vetveten, me artin tim përpiqem që të nxjerri emocionet e mia të momentit dhe gjithçka që shoh rreth e rrotull meje, çdo lloj padrejtësie apo çdo lloj ndjesie qoftë kjo ndjesi e mirë apo e keqe. Arti është mënyra ime e vetme përmes së cilit mund të shprehem, kshtuqë fal zotit kam këtë dhunti që arrij të shprehehm përmes muzikës sime”, deklaroi Bushpepa për KultPlus.

Ndikimi që artistët e mëdhenj kanë pasur në formimin artistik të Bushpepës është i paevitueshëm. Bëhet fjalë për artistët e njohur si Jimi Hendrix, Jim Morrison, Michael Jackson, Freddie Mercury, Elvis Presley etj, për të cilët Bushpepa deklaron të kenë ndikuar në artin e tij.

”Sonte jam kënaqur shumë, Kosova është shtëpia ime e dytë, kam performuar para një publiku të ngrohtë. Shpresoj që njerëzit që dëgjojnë këngët e mia, ta gjejnë veten sado pak tek ato”, deklaroi Bushpepa për KultPlus.

Për fund, Bushpepa ka treguar për KultPlus se është duke punuar në dy projekte sëbashku me pjesëtarët e tjerë të grupit, ndërkaq thekson se ka kohë që dëshiron të përgatisë një album por rrethana të ndryshme si pandemia Covid19, kanë bërë që albumi të shtyhet. Mirëpo, Bushpepa tutje thekson se shpreson që vitin tjetër të mbajë koncerte në Shqipëri me albumin e tij të radhës. / KultPlus.com

(Fotografia në ballinë: Atdhe Mulla)

Eugent Bushpepa së shpejti me koncert të drejtpërdrejtë

Këngëtari i njohur Eugent Bushpepa do t’i gëzoj së shpejti artdashësit e tij, shkruan KultPlus.

Më 20 dhjetor, virtualisht do të jehoj zëri i Bushpepës nëpërmjet koncertit të drejtpërdrejtë “Break The Darkness”.

Në këtë koncert që do të transmetohet në facebook, dëgjuesit do të kenë rastin të shohin performancën plotë magji të muzikës rok nga Bushpepa.

Ky koncert realizohet me mbështetjen e Bashkisë së Tiranës dhe Credins Bankës. / KultPlus.com

https://www.facebook.com/plugins/video.php?height=274&href=https%3A%2F%2Fwww.facebook.com%2Fbushpepagent%2Fvideos%2F1007659219726063%2F&show_text=false&width=560

Eugent Bushpepa sonte vjen me performancë të drejtpërdrejtë

Këngëtari i njohur, Eugent Bushpepa sonte do të peformoj drejtëpërdrejtë, shkruan KultPlus.

Artdashësit e tij do ta kenë rastin ta dëgjojnë duke filluar nga ora 21:00 në kuadër të edicionit të 10-të të Green Festival.

Performanca e tij do të përcjellet drejtpërdrejtë në faqen zyrtrare të Festivalit, teksa ai do të sjell emocione te publiku me zërin e tij të fuqishëm.

“Me një paraqitje të jashtëzakonshme, Eugent Bushpepa, do t`i sjellë tek ne emocionet e të gjitha mbrëmjeve që këtë vit nuk arritëm t`i shijojmë”, ka njoftuar faqja e Green Festivalit.

Në pamundësi të performimit në qytetin e Mitrovicës, aty ku edhe ky organizim ka shtrirë aktivitetet e saj, performanca online do të jetë një moment i mirë për t’u lidhur me muzikën dhe për ta shijuar atë në pragë të Vitit të Ri.

Eugent Bushpepa ka përfaqësuar Shqipërinë në “Eurovision Song Contest”, në vitin 2018, në Lisbonë, me këngën “Mall”. / KultPlus.com

Sot dy vite nga performanca e mahnitshme e Eugent Bushpepës në Eurovision (VIDEO)

Eugent Bushpepa, këngëtari shqiptar i cili me zërin e tij të fuqishëm, shumë shpejt bëri për vete miliona fansa nga Shqipëria dhe më gjerë, shkruan KultPlus.

Në Eurovisionin e vitit 2018, ai përfaqësonte Shqipërinë, me këngën ‘Mall’, një zë dhe një këngë që historia e Eurovisionit do ta mbajë mend për shumë gjatë.

Sot, kur gjysmëfinalja e këtij edicioni shënon dy vjet, KultPlus ju rikujton performancën e mahnitshme të Bushpepës. Një performancë që mahniti publikun shqiptar e atë ndërkombëtar. / KultPlus.com

“Mall” e Eugent Bushpepës, në 50 këngët më të dëgjuara të vitit

Kënga “Mall” e Eugent Bushpepës dhe performimi i saj në skenën e Eurovizionit në maj të këtij viti, është një prej 50 videove më të klikuara në Youtube – në faqen zyrtare të Eurovizionit në këtë rrjet.

Ky mbetet sukses i madh duke marrë parasysh se në këtë kanal janë të gjitha videot e të gjitha këngëve që janë kënduar në Eurovizion ndër vite, e që janë mbi 2 mijë të tilla.

Sot, në një video të publikuar nga Eurovizioni, “Mall” e Eugentit figuron në pozitën e 42-të, derisa pritet të zbulohen edhe këngët tjera më të klikuara, shkruan KultPlus.

“Mall” e Eugent Bushpepës këtë vit u radhit në vendin e 11-të në Eurovizion, në finalen që u mbajt në muajin maj. Dy këngët tjera më të suksesshme shqiptare në Eurovizion janë “Suus” e Rona Nishliut dhe “The Image of You” e Anjeza Shahinit.

Presim të shohim nëse në 40 këngët më të klikuara të Eurovizionit këtë vit është edhe ndonjë tjetër paraqitje shqiptare. / KultPlus.com

“Gjyshja punonte si vajtuese”, Eugent Bushpepa zbulon detajet që nuk kemi ditur për të

Mëngjesin e sotëm startoi edhe puntata e parë e emisionit të mëngjesit “Wake Up”, në “Top Channel”, ku i ftuar ishte këngëtari Eugent Bushpepa.

Në një rrëfim ndryshe Eugenti zbuloi disa detaje mbi talentin e tij dhe se nga e ka trashëguar zërin fantastik.

Eugenti rrëfeu se gjyshja nga ana e babait të tij kishte punuar vajtuese (një grua që thirret miqësisht apo kundrejt pagesës gjatë ceremonive mortore për të qarë të ndjerin).

“Gjyshja ime ka punuar si vajtuese. Thirrej nga njerëzit, sidomos nga njerëzit e babit nëpër ceremoni mortore. Babi më thotë gjithmonë se asaj i ngjan ti”, tregoi Eugenti.

Ndërsa përsa iu përket projekteve muzikore, Eugenti rrëfeu se përkushtimi ndaj interpretimit në jetën e natës e ka penguar atë të përqendrohet në studio.

Mirëpo pavarësisht gjithë angazhimeve ai premtoi se në dhjetor më në fund do të prezantojë një këngë të re./ dita

Eugent Bushpepa nesër në Sheshin Iliria në Tetovë

Këngëtari shqiptar që fitoi zemrat e publikut ne festivalin më të madh europian, Eugent Bushpepa nesër performon në Tetovë, shkruan KultPlus.com

Bushpepa ishte fitues i edicionit të 56-të të Festivalit të i Këngës me këngën “Mall” dhe me të njëjtën këngë u klasifikua në vendin e 11-të në Eurosong 2018.

Përgjatë karrierës së tij, Bushpepa ka fituar një sërë çmimesh, ndër të cilat veçohen “Vokalisti Më I Mirë Mashkull” (Best Male Singer) në 2008 dhe 2011, Vodafone Club Award në vitin 2009, me pjesëmarrjen e tij në Top Fest 6 me këngën “Stinë Dreqi”.

Koncerti do të mbahet në sheshin Ilira në Tetovë në orën 20:00./KultPlus.com

Ilir Meta, presidenti më Rock në Botë

Eugent Bushpepa i cili përfaqësoi Shqipërinë këtë vit me këngën “Mall”, duket që po shijon pritjet që i janë bërë në vendin e tij, pas kthimit nga kjo garë evropiane, i cili është radhitur i 11-ti, shkruan KultPlus.

Së fundi është takuar edhe me Ilir Metën, presidentin e Shqipërisë, ku Eugent Bushpepa e vlerëson të jetë si presidenti më rock në Botë.

“Me Presidentin me Rock ne Bote! 🤘 😁
Z.PRESIDENT shume faleminderit per vleresimin dhe mikpritjen!
The Best Rock President of them All!
Mr. PRESIDENT, thanks for having me and thanks for the appreciation! You Rock! 🤘 😎””, ka shkruar Bushpepa./KultPlus.com

Bushpepa: Dikush po përpiqet të fitojë para në emrin tim

Këngëtari Eugent Bushpepa, i cili përfaqësoi Shqipërinë në Eurovision me këngën ‘Mall’ dhe u rendit në vendin e 11 ka njoftuar fansat për të bërë kujdes, pasi një person po hiqet si ai për të përfituar para.

Përmes një statusi në Facebook, Eugent Bushpepa thotë se dikush po përpiqet të vjedhë lekë nga njerëzit.

“Dikush, i cili pretendon se është Eugenti, po përpiqet të vjedhë lekë nga njerëzit. Nëse dikush ju kërkon para për çfarëdolloj donacioni, nuk është real. Ju lutem raportojeni dhe na ndihmoni!”-ka shkruar këngëtari./ KultPlus.com

Eugent Bushpepa flet për takimin me Eleni Foureira: Për fat të keq ajo nuk dinte të fliste shqip

Eugent Bushpepa ka qenë i ftuar sonte në “Top show”, ku ka folur më shumë rreth eksperiencës së tij në Eurovision, shkruan KultPlus.com

Gjatë këtij emisioni, ai ka shpalosur edhe momentin e takimit me Eleni Foureiran, këngëtaren shqiptare që përfaqësoi Qipron në Eurovision. Ai po ashtu tregoi edhe për fotografinë e famshme, ku të dy këngëtaret bashkuan duart për të formuar shqiponjën.

Bushpepa u shpreh se për fat të keq Eleni nuk fliste mirë shqip.

“Elene për fat të keq nuk dinte të fliste mirë shqip. Na kërkoi që të flisnin shqip që të mësohej pak me gjuhën”, u shpreh Bushpepa gjatë emisionit./ KultPlus.com

Këto janë shtete që i dhanë zero pikë Shqipërisë

Janë ndër shtetet ku ka më shumë shqiptarë, por mbrëmjen e kësaj të shtune na zhgënjyen në finalen e festivalit evropian të muzikës, Eurosong, duke e vlerësuar Shqipërinë me zero pikë.

Bëhet fjalë për Italinë, Gjermaninë dhe Zvicrën, të cilat nuk i dhanë asnjë pikë këngës “Mall” të Eugent Bushpepës, duke zhgënjyer kështu pritshmëritë.

Si për ironi, edhe Serbia i dha një pikë Shqipërisë.

Këngëtari Eugent Bushpepa i cili përfaqësonte Shqipërinë, u rendit i 11-ti, në festivalin evropian të muzikës, Eurovision 2018.

Festivali u fitua nga Izraeli, me këngëtaren Netta e cila triumfoi me këngën “Toy”.

Në vendin e dytë në finalen e së shtunës mbrëma, u rendit shqiptarja Eleni Foureira, e cila përfaqësonte Qipron.

Ndërkohë shqiptari tjetër Ermal Meta, i cili bashkë me Fabrizio Moron përfaqësonin Italinë, zunë vendin e tretë. Eugent Bushpepa, u rendit i njëmbëdhjeti./ KultPlus.com

Elton Deda me fjalë të mëdha për Bushpepën: Mbaje kokën lart sepse për mua ishe vokalisti më i mirë i Eurovizionit

Mbrëmë është mbajtur finalja e Eurovisionit, që nxori fituese këngën e Izraelit. Këngëtari Elton Deda përmes një statusi mbrëmë ka shprehur përkrahjen dhe përgëzimet për Eugent Bushpepën.

KultPlus ju sjellë postimin e plotë të Elton Dedës:

Genti, je super artist. Nderove veten dhe sakrificat e tua qe nuk ti ka falur askush por i ke fituar vete me rrylin e fytit. Nga Eurovizioni do kthehesh me nje eksperience me te madhe, dicka qe do te te sherbeje ne karriere. Profesionistet te votuan dhe per pak nuk ishe ne 5-çe, por nuk mund te kesh zhgenjim pasi vetem nje budalla emotivo-superhormonal, nuk i kupton politikat e lepirjeve dhe servilizmave te “mesazheve glorioze” te ketij aktiviteti medioker. Une personalisht e kam shijuar kengen ne Festival dhe e shijova plotesisht edhe ne skenen fantastike te Lisbones. Mbaje koken lart sepse ( te pakten per mua), ishe vokalisti me i mire i Eurovizionit dhe djali modest qe kushedi se ç’heq te bashkejetoje me madheshtine e rocknrollit brenda teje. Per mua eshte mision i kryer dhe me sukses. Dua shume ti pershendes edhe Kolin, Kleartin, Rezin dhe gjithe stafin e RTSH-se qe te ka ndenjur afer ne Lisbone dhe te kane dhene zemer. Ne veçanti, dua tu them urimet me te mira, Denisit, Gertit, Gretes, Erioles te cilet kompletonin me profesionalizem dhe qetesi, garancine absolute te performances se kenges. Vazhdo te na kenaqesh. Miku qe te do te miren ( jo si te Vani me letra poshte deres)./ KultPlus.com

Eugent Bushpepa fuqishëm edhe në performancën e sotme para jurisë ndërkombëtare (VIDEO)

Po afrohen orët deri në natën e madhe të finales së Eurovisionit. Eugent Bushpepa me këngën “Mall”, po përfaqson Shqipërinë këtë vit në Eurovision, ndërsa para tri netve arriti ta dërgojë atë në finale, shkruan KultPlus.

KultPlus ju sjellë një video nga performanca e Bushpepes për juritë ndërkombëtare që përbëjnë 50% të votimit total. Këtë vit në Eurovision do të marrin pjesë tre shqiptarë, te cilët përfaqësojnë flamuj të ndryshëm. Eugent Bushpepa përfaqëson Shqipërinë, Ermal Meta Italinë dhe Eleni Furera Qipron.

Të shtunën në mbrëmje i pari ndër ta do të këndojë Bushpepa, i 12-ti në renditje, ndërsa Furera dhe Meta do të këndojnë në fund, përkatësisht në vendin e 24-ërt dhe 25-së. Këngët e tyre mjaftë të vlerësuara, sjellin histori jetësore, ngjarje emigracioni të vendit të vogël të Ballkanit gjatë tre dakadave të fundit. Performancat e tyre kanë qenë ndër më të vlerësuarat nga mediat në festival. Natën finale në Lisbonë do ta çeli Ukraina./ KultPlus.com

Eugent Bushpepa, Ermal Meta dhe shqiponja në Eurovizion

Këngëtarët Ermal Meta dhe Eugent Bushpepa janë fotografuar gjatë festivalit Eurovizion duke bërë me duar shenjën e shqiponjës, simbolit kombëtar shqiptar.

Të dy këngëtarët nesër mbrëma do të ngjiten në Eurovizion për të kënduar për dy shtete, Shqipërinë dhe Italinë.
Ata duket se janë edhe miq të mirë pasi ka pasur fjalë të mira nga ana e të dyve për muzikën dhe stilin që ata kultivojnë.

Meta po bëhet një prej emrave më të njohur në muzikën italiane ndërsa Bushpepa ka marrë vëmendjen e duhur nga tërë kontinenti me zërin e tij të fuqishëm që këtë vit përfaqëson muzikën moderne shqipe në Eurovizion.

@ermalmetamusic A great and a humble artist #esc2018

A post shared by Eugent Bushpepa (@eugentbushpepa) on

Në Instagram, Bushpepa ka postuar fotografinë duke shkruar “Një artist i madh dhe i dashur” – për Ermal Metën.
Nesër mbrëma në finalen e Eurovizionit, Eugenti këndon i 12-ti me radhë ndërsa Ermal Meta do të këndojë i fundit, me numër 26. / KultPlus.com

Përfaqësuesi i Malit të Zi në Eurovizion: Shqipëria është favoriti im, me zemër po e them

Vanja Radovanovic, përfaqësuesi i Malit të Zi në Eurovizion ka thënë se ka dhënë gjithcka nga vetja për ta përfaqësuar sa më mirë vendin e tij në Eurovizion, shkruan KultPlus.

Mirëpo, edhe pse ai nuk ia ka dalë të jetë pjesë e finales, ai ka treguar për favoritin e kësaj mbrëmje të madhe.

“Favoriti i imi është Shqipëria, shumë kisha dëshiruar që Shqipëria ta fitonte këtë garë, prej zemrës po e them, me ta jam” ka thënë ai, duke iu referuar performancës së Eugent Bushpepës./KultPlus.com

Nata finale në Eurovizion, Eugent Bushpepa do të këndojë në këtë radhitje

Shqiptarët po përjetojnë ndjenja të forta të krenarisë kombëtare, pasi si rrallë në historinë e Eurovizionit në finale kanë fituar të drejtën tre këngëtarë shqiptarë. Eugent Bushpepa përfaqëson Shqipërinë, Ermal Meta Italinë dhe Eleni Furera Qipron.

Të shtunën në mbrëmje i pari ndër ta do të këndojë Bushpepa, i 12-ti në renditje, ndërsa Furera dhe Meta do të këndojnë në fund, përkatësisht në vendin e 24-ërt dhe 25-së. Këngët e tyre mjaftë të vlerësuara, sjellin histori jetësore, ngjarje emigracioni të vendit të vogël të Ballkanit gjatë tre dakadave të fundit. Performancat e tyre kanë qenë ndër më të vlerësuarat nga mediat në festival. Natën finale në Lisbonë do ta çeli Ukraina.

Ashtu si dy netët e para RTSH do ta sjelli natën finale të Eurosong 2018 drejtëpërdrejtë në platformat televizive, web dhe telefoni celulare.

Kina nuk e transmetoi performancën e Eugent Bushpepës mbrëmë

Kina nuk e ka transmetuar mbrëmë performancën e Eugent Bushpepsë në Eurovizion. Shteti kinez duket se i ka respektuar rregullat televizive dhe shtetërore dhe ka hasur në probleme me Shqipërinë dhe Irlandën.

Shteti kinez ka rregulla strikte për tatuazhet, dhe meqë Eugenti ka disa tatuazhe atëherë komplet performanca e tij mbrëmë në gjysmëfinalen e parë të Eurovizionit nuk është transmetuar në Kinë.

Hunan TV e ka transmetuar gjysmëfinalen, i ka modifikuar edhe videoklipet e Eugentit në promot e tyre dhe pos Shqipërisë nuk e ka transmetuar këngën nga Irlanda për shkak të dy djemve që vallëzojnë afër njëri tjetrit dhe janë të dashuruar.

EBU- Unioni i Transmetuesve Evropianë ende nuk ka dalë me reagim, shkruan KultPlus.

Të vetmet momente kur Kina nuk i ka prerë Shqipërinë dhe Irlandën nga nata është momenti kur të dyja këngët u futën në finale, pra momenti i zbulimit të finalistëve.

Për herë të parë në Kinë Eurovizioni është transmetuar në vitin 2013-të.

Edhe Eugenti edhe përfaqësuesi i Irlandës, Ryan O’Shaughnessy, futen në finalen e Eurovizionit që mbahet me 12 maj. / KultPlus.com

Shqiptarët ‘pushtojnë’ Eurovizionin, Eugent Bushpepa dhe Eleni Foureria interpretojnë sonte në Lisbonë (VIDEO)

Eugent Bushpepa do të ngjitet i treti në skenë me këngën “Mall”, në gjysmëfinalen e parë të Eurovizion-it që mbahet sonte në Lisbonë të Portugalisë.

Kujtojmë që këngëtari shqiptar i Rock-ut ka marrë vlerësime të mëdha për performancën e tij gjatë provave, kryesisht për vokalin, që duket se është pika e tij më e fortë.

Në skenë Bushpepa do të shoqërohet nga instrumentistët Denis Hima, Gerti Hima, Besnik Nikolli dhe vokalistet Erinda Agolli e Greta Radovani.

Në këtë gjysmëfinale të parë konkurrojnë 19 shtete: Azerbajxhani, Islanda, Shqipëria, Belgjika, Republika Çeke, Lituania, Izraeli, Bjellorusia, Estonia, Bullgaria, Maqedonia, Kroacia, Austria, Greqia, Finlanda, Armenia, Zvicra, Irlanda dhe Qipro.

Vlen për t’u theksuar fakti që për herë të parë tre shqiptarë garojnë për tre flamuj të ndryshëm, Bushpepa për Shqipërinë, Ermal Meta për Italinë, dhe Eleni Foureria për Qipron./ KultPlus.com

Eugent Bushpepa dhe zëri i tij i fuqishëm mahnitin në provën e dytë të Eurovizion (FOTO)

Eugent Bushpepa vijon të mahnitë mediat e huaja me performancën e tij gjatë provave në ECS2018 në Lisbon.

Ditën e sotme është zhvilluar prova e dytë e këngëtarit, i cili sërish është vlerësuar prej zërit unik me notat e larta, duke u pritur me ovacione dhe duartrokitje të mëdha. Eugent Bushpepa i dhuron pritshmëritë më të larta përfaqësimit shqiptar në këtë kompeticion muzikor.

Përpos zhvillimit të provave të këngëtarëve përfaqësues nga shtete të ndryshme të Europës, gjatë këtyre ditëve janë zhvilluar edhe takime mes konkurentëve shqiptar, duke kujtuar se në këtë edicion të Eurosongut marrin pjesë tri këngëtarë shqiptarë, përkatësisht Eugent Bushpepa me këngën “Mall” për Shqipërinë, Eleni Foureira me këngën “Fuego” për Qipron, dhe Ermal Meta me këngën “Non Mi Avete Fatto Niente” përfaqësues i Italisë./ KultPlus.com

Një fanse i dhuron një engjëll Eugent Bushpepës para provës së dytë në Eurovizion (VIDEO)

Sot Eugent Bushpepa, këngëtari që përfaqëson Shqipërinë në Eurovizion, do ta ketë provën e dytë, shkruan KultPlus.

Kësisoj, para provës u mbajt konferenca për medie, me ç’rast, Eugentit iu dhurua një engjëll nga një fanse. Ajo duket shumë e lumtur që po takon Bushpepën, dhe kësisoj dëgjohet duke i uruar fat me dhuratën simbolike që ia dhuron, shkruan KultPlus.

Eugent Bushpepa sot do të ngjitet në skenë për herë të dytë dhe të fundit para se të këndojë në gjysmëfinalen e Eurovizionit.

Bushpepa do të këndojë këngën e tij “Mall” herët në mëngjes, në kuadër të ditës së provave.

15 këngëtarë nesër do të këndojnë për herë të dytë në provë, para se të ngjiten në skenën e madhe.

Eurovizioni fillon me 8 maj, me 10 maj është gjysmëfinalja e dytë dhe me 12 maj është finalja e madhe.

Me datë 4 maj do të jetë prova e parë e shqiptarit Ermal Meta – i cili përfaqëson Italinë, ndërsa provën e dytë Ermali e ka me 6 maj./ KultPlus.com

Nesër Eugent Bushpepa do të ngjitet në skenë për provën gjenerale

Data 3 maj shënon edhe provën e dytë të Shqipërisë në skenën e Eurovizionit.

Eugent Bushpepa nesër do të ngjitet në skenë për herë të dytë dhe të fundit para se të këndojë në gjysmëfinalen e Eurovizionit.

Bushpepa do të këndojë këngën e tij “Mall” herët në mëngjes, në kuadër të ditës së provave.
15 këngëtarë nesër do të këndojnë për herë të dytë në provë, para se të ngjiten në skenën e madhe.

Eurovizioni fillon me 8 maj, me 10 maj është gjysmëfinalja e dytë dhe me 12 maj është finalja e madhe.

Me datë 4 maj do të jetë prova e parë e shqiptarit Ermal Meta – i cili përfaqëson Italinë, ndërsa provën e dytë Ermali e ka me 6 maj.

Provat janë të rëndësishme pasi juria i përcjellë ato dhe vlerëson secilën pikë të performancës. / KultPlus.com