Mbahet koncert i hapur i Filarmonisë në Austri

Me numrin e rasteve të Covid-19 që ka shkuar duke rënë, Orkestra Filarmonike e Vjenës ka luajtur koncertin e parë në ambient të hapur.

Numri i mysafirëve ishte kufizuar në 3 mijë, transmeton KultPlus.

Vizitorët është dashur të kenë me vete testin negativ për Covid-19, ose dokumentin e vaksinimit, para se të pranoheshin në hapësirën e koncertit.

Shumë prej biletave ishin të rezervuara për njerëzit që ishin në vijën e parë të frontit ndaj pandemisë – shumica punëtorë shëndetësorë dhe mësues.

Okrestra luajti kryeveprat e Guiseppe Verdit, Bethovenit, Rachmaninov, Leonard Bernstein e të tjerë. / KultPlus.com