Nuk do festoj sot, gratë rrihen e dhunohen veq pse janë gra

Poezi nga Fjolla Besimi

Jo, nuk do festoj sot.
Gratë vriten veq pse janë gra.
Gratë rrihen e dhunohen veq pse janë gra.
Gratë nuk munden as të ecin në rrugë pa u ndjerë të cënuara nga sytë kafshërorë.
Jo, nuk ka festë për mua sot.
Nuk më le Zejnepja, Diana, Dafina e mijëra gra të tjera që jetojnë me frikën se i pret fati i këtyre.
Me fal shumë por festa ime është në rrugë sot, me gratë që luftojnë, për ato që nuk mundën. / KultPlus.com

‘Për ata qi manteli pelerinë iu ba, superheronjtë tanë’

Poezi nga Fjolla Besimi

Fotografia: Fjolla Besimi

Mantelin e bardhë trupit hodhën,
Diellin përshëndetën dhe luftën filluen,
N’vijë t’parë t’frontit gjeneral,
T’rreshtuen.
Në luftëra armikun ti e di,
E njef,
E edhe e sheh.

Por n’luftën që këta heronjë janë,
Ish ma shumë,
Shumë ma shumë,
Shumë ma e madhe,
Nga nji i padukshëm,
Padukshëm shkatërrues,
Padukshëm frikësues.

Ndaj që ma t’lehtë betejën ta kenë,
E barrën ma t’lehtë të ia bajmë,
E vrapin e luftës ma t’fuqishëm ta kenë.
Ballkoneve ti duartrokasim.
E Rrugët ti boshatisim.

Ditët që po kalojmë t’lehta
Për asnji sjanë,
Por Ma s’paku për ta janë,
Për ta, Qi manteli pelerinë iu ba, Superheronjtë tanë. / KultPlus.com