Objekti i Qeverisë së Kosovës mbulohet me flamurin e SHBA-së, në përkujtim të 11 shtatorit (VIDEO)

Në kujtim të viktimave të sulmeve të 11 Shtatorit, objekti i Qeverisë së Kosovë është mbuluar me flamurin amerikan.

Këtë e njoftoi kryeministri, Avdullah Hoti përmes një videoje të postuar në llogarinë e tij në Facebook.

Në kujtim të viktimave të sulmeve të 11 Shtatorit!

Gepostet von Avdullah Hoti am Freitag, 11. September 2020

Në vitin 2001, më 11 shtator, Shtetet e Bashkuara të Amerikës u goditën nga një sulm terrorist i paparamenduar më parë.

Dy aeroplanë me udhëtarë u rrëmbyen nga terroristë dhe sulmuan Kullat Binjake në Nju-Jork. Menjëherë pas sulmit, një grup terrorist i njohur si Al-Kaeda, mori përgjegjësinë e sulmit të kryer.

Ky grup terrorist udhëhiqej nga lideri i tyre, Osama Bin Laden. Ky i fundit u vra nga njësite speciale të SHBA’së nën udhëheqjen e administratës së presidentit Barack Obama në vitin 2011.

Nga viti 2001, 11 shtatori kujtohet nga e gjithë bota si dita më tragjike që i ndodhi SHBA’së. Në mesin e shteteve që sot u solidarizuan me SHBA’të, është edhe Kosova, shteti më pro-amerikan në planet. / KultPlus.com

Disa fakte interesante për flamurin amerikan

Flamuri i Shteteve të Bashkuara të Amerikës luan një rol shumë të rënëdishëm në kulturën amerikane.

Më poshtë kemi disa fakte interesante për flamurin më të famshëm në botë

Ishte adoptuar në vitin 1777 Kongresi adoptoi flamurin me yje e vija me 14 qershor të vitit 1777.

Flamuri origjinal kishte 13 yje dhe 13 vija, kushtuar 13 kolonive origjinale.

Më shumë yje se vija

Për një kohë, Shtetet e Bashkuara shtonin sa yje aq edhe vija për të mirëpritur shtetet e reja në Union. Kur u bashkuan Kentucky dhe Vermont u shtuan 2 yje dhe 2 vija, duke u bërë 15 me 15.

Duke pritur shumë shtete të reja që shtoheshin udhëheqësit vendosën që të rikthejnë vijat në numrin fillestar, e të vazhdojnë vendosjen e yjeve për shtetet që bashkohen, qysh nga viti 1818.

Ishte dizajnuar nga një student i shkollës së mesme

Flamuri aktual me 50 yje e 13 vija ishte dizajnuar në vitin 1958 nga një 17 vjeçar, student i shkollës së mesme, i quajtur Robert G. Heft nga Ohio. Presidenti Dwight D. Eisenhower zgjodhi modelin e tij nga 1500 aplikime.

Kuq, Bardhë e Kaltër të trija ngjyrat kanë një domethënie të veçantë. E kuqja nënkupton fuqinë e guximin, e bardha simbolizon pastërtinë e pafajësinë, dhe e katërta përfaqëson vigjilencën, këmbënguljen dhe drejtësinë.

Mirëmbajtja e flamurit

Nëse një flamur nuk mund të riparohet, duhet të shkatërrohet në mënyrë të respektueshme, siç është djegia. Mund të pastrohet nëse ndytët ose nëse bie në tokë.

Shfaqja

Sipas rregullave të flamurit, ai duhet të shfaqet nga lindja e diellit deri në perëndim. Mund të shfaqet edhe 24 orë në vende ku është i ndriçuar mirë nga dritat gjatë natës.

Flamuri në hënë

Në korrik të vitit 1969 flamuri i parë u vendos në hënë, nga Neil Armstrong. Edhe 5 misione tjera kanë parë 5 flamurë të rinjë të vendosur. Dita e flamurit Me 30 maj të vitit 1916 presidenti Woodrow Wilson ka zyrtarizuar festën e flamurit si Dita e Flamurit me datën 14 qershor, kur edhe është adaptuar flamuri i parë amerikan.