Etiketë: Gabriel García Márquez

Gabriel Garcia Marquez pati disa libra të cilët e influencuan atë gjatë jetës.

Shkrimtari i njohur dhe i pëlqyer kudo në botë, i cili ndërroi jetë në prillin e vitit 2014-të, në një libër autobiografik ka lënë edhe listën e librave të cilët sipas tij kanë ndikuar në mendjen dhe në filozofinë e tij mendore.

Kjo listë fillon me “Malin Magjik” të Tomas Manit dhe përfundon me “Zonja Dalloway” nga Virginia Woolf.
Marquez, ky shkrimtar fantastik, kujtohet për librat që na la trashëgimi, përfshirë këtu “Dashuri në kohërat e kolerës”, “1000 vjet vetmi”, “Kolonelit nuk ka kush ti shkruajë” dhe libra të tjerë, shkruan KultPlus.

Po e paraqesim këtu këtë listë, disa prej librave janë të përkthyer në gjuhën shqipe ndërsa të tjerë janë vetëm në gjuhën angleze apo në gjuhën të cilën janë shkruar.

Mali Magjik – Thomas Mann
The Man in the Iron Mask – Alexandre Dumas
Uliksi – James Joyce

The Sound of the Fury – William Faulkner
As I Lay Dying – William Faulkner
The Wild Palms – William Faulkner

Oedipus Rex – Sofokliu
The House of the Seven Gables – Nathaniel Hawthorne
Mobydick – Herman Melville
Metamorfoza – Franz Kafka
Alefi dhe tregime tjera – Borges
Orlando – Virginia Woolf
Mrs Dalloway – Virginia Woolf

Rreth gjysma e arkivit prej 27,000 faqesh e nobelistit Gabriel García Márquez është publikuar në internet nga Universiteti i Teksasit, përcjellë KultPlus.

Universiteti i Teksasit ka digjitalizuar librat e tij dhe i ka bërë të disponueshem rreth gjysmën e koleksionit për lexuesit. Ata kanë skanuar rreh 27,000 faqe dhe fotografi, duke i bërë kështu të qasshme për këdo në botë.

Arkivi online, i cili është i kataloguar në anglisht dhe në spanjisht, përfshin skica dhe materiale të tjera që lidhen me të gjitha librat më të mirë të García Márquez-it, duke përfshirë “Njëqind vjet vetmi”, që e kthyen shkrimtarin nga Kolumbia në një figurë të njohur globalisht. Në këtë arkiv janë të përfshira edhe fotografi të pashpalosura më parë, fletore, skenarëve si dhe një koleksion i pasaportave të autorit.

Sipas New York Times ky është një veprim i jashtëzakonshëm bazuar në faktin se puna e Marquezit ende është nën mbrojtjen e të drejtave të autorit.“Shumë arkiva po digjitalizojnë pronat e tyre. Por për digjitalizimi i kaq shumë materialeve nga një shkrimtar, puna e të cilëve është ende në të drejtën e autorit në internet falas është e pazakontë”, ka shkruar The New York Times/ KultPlus.com