Etiketë: Grate e forta

11 gjëra e përbashkëta që i kanë të gjithë gratë e forta

Posted on by Kult Plus

Ato kërkojnë vazhdimisht që të rriten

Ato e dinë që e vetmja gjë e cila qëndron mes tyre dhe suksesit, janë lëvizjet e tyre të “vockla”. Si pasojë, ato bëjnë vazhdimisht hapa të vegjël. Ato vazhdojnë lëvizin e lëvizin pa pushim, qoftë edhe ngadalë. Çfarëdo që të bëjnë, ato nuk pushojnë së rrituri dhe përmirësuari.

Ato e trajtojnë veten mirë

Në shoqërinë moderne, gratë bombardohen me mesazhe se ato thjesht nuk janë mjaftueshëm të mira, nëse nuk u “nënshtrohen” një serie standartesh të pamenda prej reklamave. Gratë e forta e dinë se kush janë.

Edhe pse në fillim, jo gjithmonë e duan veten e tyre, ato mësojnë gjatë rrugës se duke i kushtuar vëmendje dhe duke njohur mirë vetveten, ato mësojnë gjithfarësoj pikash të forta deri në ato momente të fshehura, apo edhe “superfuqi” që kurrë nuk mendonin se i kishin.

Ato mësojnë t’i besojnë gjykimi të tyre. Si në çdo marrëdhënie që është ndërtuar në besimin, marrëdhënia e tyre me vetveten bëhet më e fortë, me kalimin e kohës.

Nuk pranojnë kurrë më pak se sa meritojnë

Ato dinë si të marrin atë që kërkojnë. Ky mësim zakonisht merr pak kohë për t’u nxjerrë, sidomos në fillimin e të njëzetave, por kur ato vetëdijësohen për peshën e rëndësisë së tij, kuptojnë se pranimi i më pak nga sa kërkojnë, është një humbje e kohës së çmuar. Duke synuar më lart, ato i kursejnë vetes dhimbje dhe kohë.

Ato eleminojnë njerëzit toksikë nga jetët e tyre

Kjo përfshin njerëz që bëjnë thashetheme, nihilistë dhe “mbretëreshat e dramës”. Mësimi për të zbatuar kufij të shëndetshëm është një pjesë e rëndësishme e të jetuarit të një jete pa bagazhe emocionale.

Ato falin, por kurrë nuk harrojnë

Gratë e forta punojnë në mënyrë konstante me faljen. Ato e dinë se falja nuk është një dhuratë që ia jep keqbërësit, ose atij që të ka lënduar, por është një dhuratë për veten e tyre. Ato e dinë se falja është çelësi që nevojitet për t’u çliruar nga burgu i zemërimit. Pa të, do të mbeten robinja, mes hidhërimit. Kjo shpie në palumturi. Gratë e forta mësojnë nga gabimet e tyre duke mos i përsëritur.

Ato besojnë se ajo që bëjnë është e fuqishme, e më pas kjo bëhet reale

Gratë e forta ndjejnë një motivim të fortë për të arritur objektivat e tyre. Ato nuk harxhojnë kohë për rezultate në të cilët nuk besojnë. Që të ndjekin një objektiv, duhet që ai të ketë kuptim.

Nuk e vrasin shumë mendjen për atë që mendojnë të tjerët

Gratë e forta e shmangin lojën e krahasimit. Ato e dinë se lumturia e tyre varet prej kësaj. Nuk kërkojnë për lejë, pasi e dinë se duhet të marrin përgjegjësi për zgjedhjet e tyre. Dhe nuk fajësojnë të tjerët për gabimet e tyre. Kjo i bën të pavlerë mendimet e atyre që nuk kanë ekspertizën e nevojshme për të udhëhequr një proces të caktuar. Njerëzit duhet të ndajnë mendimin, vetëm kur u kërkohet.

E pranojnë veten për atë që janë

Gratë e forta e kuptojnë se në fund të ditës, jeta është shumë e shkurtër dhe e mrekullueshme, për t’u ulur dhe ndjerë keqardhje për atë që nuk janë. Ato gjejnë frymëzues prej të cilëve mund të mësojnë shumë dhe i krijojnë vetë pritshmëritë e tyre.

E dinë që nuk janë perfekte, por… s’ka problem

Gratë e forta e pranojnë se askush nuk është i përsosur. Gratë që kanë fuqinë të pranojnë veten (për mirë e për keq) janë tejet përshtatëse. Kjo përshtatshmëri i lejon që në fund të bëjnë një jetë vërtetë të jashtëzakonshme.

E respektojnë veten, dhe nuk duan për vete gjëra që janë të padrejta

Gratë e forta janë më të vetëdijshme për vlerën e tyre, se sa gratë e tjera që nuk e kanë arritur këtë shkallë. Rruga drejt zbulimit të vlerës së tyre është e ndryshme për cdo grua, dhe bëhet vërtetë e dukshme, vetëm pasi të jetë me shpatulla pas murit. Shumë gra që dihet se janë të forta, do t’ju thonë se nuk kanë qenë kështu gjithmonë. Zakonisht ato e zbulojnë forcën e tyre reale, në situata vërtetë të vështira. Zakonisht, pasi nuk kanë më lot për të nxjerrë, dhe asnjë vend ku të kthehen, ato kthehen nga vetja. Ky është momenti kur nis të ndodhë magjia.

Ndërtojnë sisteme të fortë personalë të mbështetjes

Shpesh, gratë e forta thurin rrjeta vërtetë të forta marrëdhëniesh ndërpersonale mes tyre, që shndërrohen në sisteme fenomenalë personalë të mbështetjes. Kjo do të thotë se shumica e zgjidhjeve janë një telefonatë larg. Ndonjëherë, forca më e madhe vjen kur pranon se nuk i bën dot gjërat e vetme. /Lifehack – Bota.al / KultPlus.com

Një grua e fortë ka kaq shumë armiq

Posted on by Kult Plus

Ajo nuk kishte frikë të ngrihej e të mbronte ato që besonte, prandaj i bëri armiq ata që donin që ajo të pengohej e të rrëzohej…

Ajo ishte më e fortë se shumica e grave, sepse ajo jetonte me integritet dhe guximin e bindjeve të saj, por nganjëherë ajo pyeste veten se pse ndihej kaq e vetmuar.

Kur ajo shikoi rreth vetes, ajo e kuptoi se ajo kishte vetëm disa njerëz të vërtetë të cilëve mund t’u besonte.

Ajo e mban veten me standarde më të larta

Ajo nuk kishte frikë të ëndërronte shumë për veten dhe të ishte ambicioze. Ajo e dinte se çfarë dëshironte të bëhej dhe ajo u sigurua të bënte gjithçka në fuqinë e saj për të jetuar ëndrrat e saj.

Njerëzit të cilët ishin shumë të ndrojtur për të parë ëndrrën e saj të madhe filluan të mos e durojnë atë për suksesin e saj.

Ajo ishte e vërtetë dhe e ndershme edhe kur lëndohej

Ajo kurrë nuk i lë pasojat e të thënit të të vërtetës që ta pengojnë atë e të mos bëjë gjënë e duhur.

Nëse ajo duhej të ishte e hapur për gabimet e saj, edhe nëse ato do ta fusnin në vështirësi, ajo nuk hezitoi t’i diskutonte. Nëse asaj iu desh të përballej me dikë që po bënte gabim, ajo nuk hezitoi aspak.

Ajo kurrë nuk lejoji që dikush të tregonte mungesë respekti ndaj saj

Ajo qëndroi një grua e fortë sepse e dinte vlerën e saj.

Ajo e vlerësoi veten dhe dinjitetin e saj, dhe ajo nuk do të toleronte askënd që do të përpiqej ta bënte atë të kërkojë falje se është e fuqishme. Ajo u sigurua se u trajtua ashtu siç e meritonte dhe njerëzit që dëshironin ta minonin forcën e saj, filluan ta kenë zët.

Ajo dashuroi me gjithë zemrën e saj

Ajo kurrë nuk u ruajt nga njerëzit që i donte dhe ajo dha gjithçka që kishte, edhe kur u lëndua.

Ajo i trajtoi njëlloj njerëzit që shpifnin për të dhe shfrytëzonin mirësinë e saj dhe respektin që ua dha të gjithëve.

Ajo nuk deshi t’ia dijë se çfarë mendonin njerëzit e tjerë për të

Ajo nuk u kap në mbajtjen e aparencës.

Ajo nuk i lejoi njerëzit e tjerë ta kontrollonin atë me kritikat e tyre të vazhdueshme dhe opinionet negative mbi të. Ajo vazhdoi të jetojë sipas rregullave të saj dhe të ndiqte bindjet e saj edhe kur njerëzit u përpoqën ta ulnin.

Ajo i përballte të tjerët me pasiguritë e tyre

Ajo nuk kishte frikë ta “zhvishte” zemrën, sepse e dinte se nuk kishte asgjë për të cilën të kishte turp.

Pasiguritë e saj, të metat e saj dhe dobësitë e saj ishin në ekspozim si një shenjë e vetë-pranimit të vetes dhe guximin e saj. Jo të gjithë mund ta përballonin ndershmërinë e saj, sepse preferonin të pretendonin se ishin të përsosur dhe kështu ata ikën larg saj.

Ajo e donte veten fort

Ajo e dinte veten jashtë dhe brenda, çdo forcë, çdo dobësi e çdo gjë të çuditshme dhe ajo e pranonte veten plotësisht.

Kur njerëzit u përpoqën ta kritikonin dhe ta bënin atë të urrente vetveten ashtu siç ata e urrenin veten, ata dështuan në mënyrë të mjerueshme, sepse ajo kishte një ndjenjë të lartë vetëvlerësimit që ata kurrë nuk do ta gjenin tjetërkund.

Jetoi me bindje dhe integritet

Pavarësisht nga ajo që njerëzit thanë apo bënë, ata kurrë nuk mundën ta nxirrnin atë nga rruga që ajo shtroi për veten e saj.

Ajo i njihte pritshmëritë e saj për veten dhe standardi i përsosmërisë së karakterit që donte të arrinte dhe ajo kurrë nuk kompromentonte me të. Është e lehtë për një grua me karakter të fitojë armiq.

Përkundër tërheqjes së zemërimit të njerëzve që do të donin ta shihnin atë të penguar dhe duke rënë, ajo arriti ta mbante kokën lart dhe vazhdoi të jetonte sipas standardeve të saj.

Ajo nuk u frikësua lehtësisht sepse e dinte se forca e saj do të lejonte vetëm shokët e saj të vërtetë që e donin të qëndronin pranë saj dhe kjo ishte gjithçka që kishte rëndësi për të! / shkollaesuksesit/ KultPlus.com

“Gratë e forta kërkojnë respekt, jo vëmendje”, tetë cilësitë e një gruaje të fortë

Posted on by Kult Plus

Përmes gjithë luftës së çmendur dhe plagëve të jetës, ka disa gra që janë “mbijetuese”. Ato ndahen nga turma.

Gra të thjeshta me një buzëqeshje të zemrës. Ato janë një burim frymëzimi që të gjithë i admirojnë. Përkufizimi i një gruaje të fortë.

Këtu janë tetë karakteristika që e identifikojnë një grua të fuqishme që dallon nga gjithë të tjerat!

Gratë e forta kanë besim në vetvete

Një grua e fortë e di se kush është dhe se çfarë dëshiron. Ajo ka grupin e saj të ëndrrave dhe nuk do të lejojë që dikush ta mbajë peng  atë nga arritja e synimeve të saj. Asgjë nuk mund ta ndalë atë!

Ajo nuk ka nevojë për mbështetje nga askush. Ajo gjithashtu nuk ka nevojë të kërkojë miratim nga askush. Gratë e fuqishme marrin vendimet e tyre me vetëbesim dhe nuk kanë frikë të përballen për zgjedhjet e tyre.

Gratë e forta kërkojnë respekt, jo vëmendje

Ju kurrë nuk do të shihni një grua të fortë duke kërkuar vëmendje. Ajo kurrë nuk do të jetë e interesuar të lypë as për dashuri. Kur një grua e fortë ndihet e padëshiruar, ajo thjesht e lë situatën dhe largohet.

Respekti është shumë më i vlefshëm se vëmendja. Ai zgjat më shumë se 15 minuta famë. Respekti është një nga çelësat thelbësorë të suksesit.

Gratë e forta nuk kanë kohë për marrëdhënie toksike ku ajo bëhet e paarritshme. Mungesa është dhurata e saj për ata që nuk e kuptojnë se çfarë do të thotë të jesh në praninë e saj.

Gratë e forta veshin dhimbjen e tyre si parzmore

Një grua e fortë gjithmonë do të rifitojë vetëbesimin pas vështirësive dhe depresionit. Ajo përballet me problemet e saj me lehtësi. Ajo nuk e konsideron veten viktimë të botës. Ajo sheh përpjekjet e saj si një shans për të mësuar.

Gratë e forta e veshin dhimbjen e tyre si parzmore. Nuk është e lehtë, është e rëndë. Megjithatë, ajo mëson prej saj dhe e mbron atë.

Gratë e forta i lartësojnë njerëzit

Gratë e forta rrezatojnë me pozitivitet. Ato janë gjithmonë të gatshme të japin një dorë ndihme për këdo që ka nevojë. Gratë e forta do të qëndrojnë në anën tuaj në qiell e në ferr.

Ajo gjithmonë do të jetë aty për ju. Një grua e fortë është një dëgjuese e madhe dhe e gatshme për të ofruar mbështetje përmes sfidave të jetës. Ajo di se si të depërtojë në thelbin tuaj dhe të shohë të mirën në shpirtin tuaj.

Gratë e forta kurrë nuk e krahasojnë veten me të tjerët

Gratë e forta njohin kufijtë dhe aftësitë e tyre. Ato e dinë se janë të denja për respekt. Gratë e fuqishme nuk kanë nevojë ta krahasojnë veten me të tjerët.

Askush nuk është i përsosur dhe një grua e fortë është shumë e vetëdijshme për këtë. Megjithatë, ajo gjithashtu e di se secili ka dhuntinë e vet unike. Ajo pëlqen të mbështesë të tjerët.

Një grua e fortë nuk ka frikë të qajë

Ajo e di se të qenit e lëndueshme është në të vërtetë një shenjë e forcës. Ajo e di se ajo është mjaft e fortë për ta rimarrë veten. Ajo është gati të shërohet.

Një grua e fortë nuk heq dorë kurrë, ajo gjithmonë ka arsye të vazhdojë të luftojë.

Gratë e forta janë plot falje, jo hakmarrje

Një grua e fortë dëshiron ta lirojë mendjen nga burgu i energjisë negative. Ajo dëshiron të gjejë mënyra për të shprehur dashurinë e saj.

Një sy për një sy nuk është mënyra se si një grua e fortë zgjedh t’i bëjë gjërat. Ajo vazhdon përpara, por nuk harron kurrë atë që i është bërë asaj.

Një grua e fortë gjithmonë do t’ju tregojë të vërtetën, pa marrë parasysh sa e vështirë është

Shpesh herë, të thënit të vërtetën mund të jetë një rrezik i madh dhe mund të përfundojë duke dëmtuar dikë. Sidoqoftë, gratë e forta besojnë se të treguarit të vërtetës është thelbësore.

Ato e dinë se është një gjë e rrallë.

Gratë e forta janë të guximshme dhe kanë një zemër të mbushur me synime të mira. Ajo shkëlqen si një diamant i pagdhendur!

Nëse e njihni një grua të fortë, mbajeni afër zemrës! Mos kini frikë ta ndani me to këtë artikull dhe t’ia bëni të ditur vlerësimin që keni për të! / KultPlus.com

Një grua e pavarur mund të dashurojë, por ajo do të shkëlqejë njësoj si me ty, si pa ty

Posted on by KultPlus

Gratë e pavarura dhe që e dinë vlerën e tyre, janë kaq pak të vlerësuara, dhe shihen si të ftohta në shpirt. Sepse ajo s’ta ka nevojën ty për asgjë. Ajo mund të të dojë, por kaq, të do për atë që je, të do sepse të sheh si të denjë për të ndërtuar jetën së bashku, por mos harro, një grua e tillë, do vazhdojë të jetë e pavarur, do shkëlqejë si me ty e si pa ty.

Mund të jesh edhe ti një nga ata burra, që të tmerron pavarësia e një gruaje, sepse ndaj një gruaje të tillë s’do mund të sillesh si me një pronë tënden, që ta urdhërosh, që ta bësh të ta ketë nevojën ty, qoftë edhe për gjënë më të vogël, ta trajtosh si të duash pa frikën se ajo mund të largohet nga ti, apo edhe ta ndalosh të bëjë punën që do, apo të merret me hobin e saj.

Pra, një grua e tillë që e di se sa shumë vlen ajo, nuk të jep këto “privilegje”, të cilat shumë burra i duan. Dhe nëse ti e detyron të bëjë zgjedhje mes teje dhe diçkaje, ajo nuk zgjedh kurrë personin që e detyron të zgjedhë./supergrate.net/ KultPlus.com

Shtatë gjërat të cilat një grua e fortë nuk do t’i tolerojë

Posted on by KultPlus

Gratë e forta. Ato i bëjnë kokat të kthehen pas saj ngado që ajo shkon dhe madje as nuk e vret mendjen për këtë punë.

Ju e keni takuar një të tillë. Të gjithë e kanë takuar një grua të tillë dhe e din se sa karakter të fortë kanë ato.

Ato mund të fluturojnë të vetme dhe janë më shumë se të lumtura kur e bëjnë këtë, por nëse ndonjëherë do të dilni me një grua të tillë, atëherë duhet të jeni të kujdesshëm: gënjeni ose tregohuni vetiak dhe ky do të jetë takimi i juaj i fundit me të.

Ato e dijn mirë se sa meritojnë dhe nuk do të pajtohen me më pak.

Këtu i keni shtatë gjerat të cilat gratë me karakter të fortë nuk do t’i tolerojnë:

Mosrespektin
Një grua e fortë e vlerëson respektin më shumë se gjithçka tjetër. Ajo e sheh të mirën tek secili dhe gjithmonë e dëgjon atë që njerëzit kanë për ta thënë. Ajo e di që gjithkush mund të ofrojë diçka të vlefshme.

Prandaj, kur ju shfaqni mosrespekt ndaj mendimit të dikujt, e lëre më të saj, ajo thjesht nuk do ta kalojë këtë. Për të, kjo paraqet një shenjë shumë të qartë se ju jeni plotësisht një gomar.

Në fak, kurdo që një grua e fortë del me dikë, ajo i kushton vëmendje të madhe se si silleni ju me kamarierin. Nëse ju silleni mirë dhe butësisht, ndoshta edhe mund ta shihni prap atë. Nëse jo, ajo do të ngrihet të shkojë në banjë dhe më nuk do të kthehet kurrë.

Dominimin në lidhje
Barazia është një vlerë të cilën ajo nuk e shmang lehtë. Ajo është themeli i filozofisë së saj mbi jetën dhe se si ajo i trajton të tjerët.

Nëse prisni se ajo do ta pranojë secilën kapriço tuajën, atëherë duhet të shporreni që aty.

Ajo sa synime të cilat dëshironë t’i arrijë në një lidhje.

Një grua e fortë nuk do të t’i pastrojë enët dhe as nuk do ta përgadisë ushqimin, nëse nuk e bëni edhe ju të njejtën gjë për të. Ajo e di vlerën e vetë dhe e dini çka? Nuk është se ju vleni më shumë se ajo.

Thyerjen e kufinjve të saj
Ajo është fuqimisht e pavarur dhe nuk thyhet përballë manipulimeve dhe gënjeshtrave.

Nëse ajo thotë “jo” më mirë e keni ta besoni vërtetë atë. Sepse nëse këmbëngulni për ta marrur atë që e dëshironi, ju thjesht jeni duke e penguar lirinë dhe pavarësinë e saj. Kjo është mënya më e sigurt për ta dërguar lidhjen tuaj drejt fundit.

Gratë në lidhje kanë qenë të shtypura për gjatë shekujve dhe ajo dëshiron që ta rikthej përsëri pushtetin. Mos i kalo kufinjtë e saj.

Të mos e dëgjosh atë që ajo është duke e thënë
Një grua e fortë ka besim të inteligjencën e saj dhe e di se ajo ka mjaftë fjalë të zgjuara që mund t’i ndajë me të tjerët.

Por nëse ju jeni “shumë i mençur” dhe s’keni nevojë për ta dëgjuar, ajo nuk do ta bëjë atë, ndërsa ju i’a keni futur vetes.

Ajo vazhdimisht dëgjon dhe mëson, sa më shumë që mundet. Prandaj, nëse nuk mund ta bëni të njejtën, ju thjesht nuk e meritoni praninë e saj.

Mos mbështetjen e ambicieve të saj
Një grua e fortë ka ëndërra dhe qëllime të cilat synon t’i arrijë. Kjo është ajo që e mban të motivuar përgjatë ditës.

Mirëpo nëse ju vazhdimisht e ulni atë dhe nuk besoni në aftësinë e saj për sukses, ju thjesht jeni një “djalosh” toksik për të.

Ajo e dëshiron dikë që do të rritet dhe të besoj në të ardhmen ashtu siç ajo beson. Kjo është e vetmja mënyrë përmes së cilës lidhja do të lulëzojë.

Të mos e shfaqësh veten
Natyrisht, gjithkush mund ta dashurojë një grua të fortë, por nëse nuk e shprehni atë dashuri përmes fjalëve dhe veprimeve, atëherë ju vërtetë duhet të rishikoni veten.

Një grua e fortë mund ta mbajë jetën e saj të kyçur, por kjo nuk do të thotë që ajo nuk i pëlqen komplimentet.

Ajo i pëlqen gjentelmenët dhe ata që janë thjeshtë zemërgjerë. Nëse do të keni probleme për ta shfaqur veten, atëherë duhet ta gjeni dikë tjetër.

Gënjeshtrat, madje edhe nëse ato bëhen për diçka të parëndësishme
Ndershmëria është bërthama e jetës së një gruaje të fortë. Ajo lulëzon mbi të. Ajo i shfaq emocionet e saj, vepron mbi vlerat e saj dhe ajo nuk do të ngurrojë për t’ua thënë mendimin e saj.

Por nëse nuk i besoni, ajo do ta nuhasë qelbësirën tuaj prej kilometrash dhe nuk do të keni mundësi më t’i afroheni asaj.

Nëse keni dalur me shokë për ndonjë birrë, tregoji asaj. Nuk ka asgjë më tërheqëse për një grua të fortë se sa një burrë që thjesht mund t’i tregojë vërtetë ashtu siç është.

Mirëpo, nëse nuk e keni guximin për ta bërë këtë, atëherë më mirë largohuni. Ajo nuk ka kohë për qunak.

(Ideapod. U shqipërua nga Shkumbin Nebihu)