Ekskluzive: Grupi Minatori sonte publikon këngën e re

Sonte në ora 21:00 në Youtube do të lansohet kënga më e re e Grupit Minatori.

“Krejt njëjtë” është emri i këngës. Një prej anëtarëve të grupit legjendar, Mufail Limani, e ka dhënë lajmin në Facebook.

“Pas vitit 2001, kur publikuam albumin “Njeriu i fundit në planet”, kjo është edhe një përpjekje e imja dhe e jona që të shprehim diçka e të themi diçka përmes rok këngës. Falënderoj shumë miqtë e mi Mumin Jasharin, Liridon Metushin e Ilaz Thacin në bërjen e spotit, si dhe Florent Boshnjakun për kontributin dhe komunikimin e shkëlqyeshëm në studio” ka shkruar Limani.

Grupi Minatori i takon gjeneratës kur muzika është dëgjuar e ndjerë, andaj zbrazësia që ata kanë lënë në skenën shqiptare çdo ditë e më shumë po len gjurmët e saj. / KultPlus.com

Rikthehet grupi ‘Minatori’, sjellë këngë të re

Rok-grupi i suksesshëm ‘Minatori’, të cilët i takojnë gjeneratës kur muzika është dëgjuar e ndjerë, ka kohë që i ka munguar skenës, shkruan KultPlus.

Por, ky rok bend, ndonëse prezent kohë pas kohe nëpër mbrëmje të ndryshme, ka kohë që nuk kanë sjellë në skenë një këngë të re, ani pse kërkesat për rikthimin e tyre janë të shumta.

Solisti i ‘Minatorit’, Naser Gjinovci ka bërë të ditur se do të rikthehen por asnjëherë duke mos specifikuar asgjë.

Por, kësaj pritje po i vjen fundi. ‘Minatori’ sonte sjellë këngën e re. Është Hamam Bar Prishtina që e sjellë Minatorin sonte në skenë për të performuar edhe këngën e re të titulluar “Krejt njejt”.

Andaj të gjithë ju që e keni pritur këtë rikthim, sonte nga ora 21:00 në Hamam Bar Prishtina, ju pret grupi Minatori dhe kënga e tyre e re. / KultPlus.com