Katy Perry thotë se puna më e mirë në botë është mëmësia

Katy Perry po vazhdon ta shijoj mëmësinë pasi ka sjellë në jetë fëmijën e saj të parë me të dashurin e saj, Orlando Bloom, në gusht të vitit të kaluar.

Këngëtarja amerikane ka deklaruar së fundmi se vajza e saj të cilën e ka quajtur Daisy Dove ia ka ndryshuar asaj jetën.

“Ajo më ka ndryshuar jetën dhe po vazhdon ta ndryshoj atë”, ka thënë Katy duke shtuar se si po i jep rëndësi vajzës së saj më shumë se çdo gjëje tjetër.

Sipas saj, kur bëhesh nënë, gjëja e vetme në të cilën duhet të fokusohesh është se si të jesh nënë.

Katy ka thënë se që kur e ka lindur vajzën e saj, e ka kuptuar se puna më e mirë në botë është mëmësia.

Këngëtarja 36 vjeçare është fejuar me aktorin e famshëm Orlando Bloom në vitin 2019. / KultPlus.com

Albumi i Katy Perry s’pati sukses, këngëtarja rrëfen për depresionin

Këngëtarja Katy Perry është hapur rreth përjetimeve të saj, pas albumit i cili nuk pati sukses. Kjo vjen, pasi ajo shpesh ka pasur një sërë hitesh dhe ka fituar çmime të shumta, ndërsa albumi i fundit nuk arriti të renditet në top-lista.

35-vjeçarja, e cila po pret fëmijën e saj të parë, ka folur me guxim se si u ndikua shëndeti i saj mendor nga ky mossukses. Njëra nga këngët në albumin “Witness”, “Chained To The Rhythm”, arriti të jetë në top-listat e Billboard, por këngët e tjera nuk u pritën edhe shumë mirë.

”Unë u bëra shumë e pasigurt dhe u detyrova të organizoja një udhëtim, për t’u qetësuar si emocionalisht, shpirtërisht dhe psikologjikisht”. /KultPlus.com

Perry, këngëtarja me më së shumti fitime për vitin 2018

Katy Perry gjatë vitit 2017 fitoi vetëm 33 milionë dollarë, duke zënë vendin e nëntë për këngëtaret më të paguara gjatë një viti.

Ylli amerikan sivjet është ngjitur suksesshëm në skenë, duke fituar 83 milionë dollarë që prej qershorit 2017 deri në qershorin e vitit 2018, raporton Forbes.

34-vjeçarja këtë periudhë e kaloi në turneun botëror “Witness” ndërsa 20 milionë dollarë i fitoi nga pjesëmarrja si gjyqtare e “American Idol”.

Vendin e parë si artistja me më së shumti fitime, Katy e siguroi me albumin e saj “Witness’ që shiti 180 mijë kopje vetëm në javën e parë të publikimit.

Në pozitën e dytë është pozicionuar Taylor Swift me 80 milionë dollarë fitime. Pozitën e tretë e ka siguruar Beyonce me 60 milionë dollarë fitime./ KultPlus.com