Rita Ora dhe Sigala sjellin klipin e ri të këngës ‘You For Me’

Këngëtarja e njohur shqiptare, Rita Ora dhe DJ Sigala kanë publikuar klipin e ri të shumëpritur të këngës ‘You For Me’.

Klipi i ‘You For Me’ vjen dy javë pas publikimit të këngës, që u pëlqye jashtëzakonisht shumë nga publiku duke grumbulluar afër 1 milion klikime, transmeton KultPlus.

“Klipi është i disponueshëm tani. Absolutisht më pëlqente ta filmoja këtë video në një vend të mrekullueshëm për mikun tim shumë të veçantë Sigala për ‘You For Me’. Shpresoj ta doni aq shumë sa ne e duam! Vikend të mbarë”, ka shkruar Ora në rrjetin social Instagram pas publikimit të klipit.

Video me regji nga Clara Cullen. /KultPlus.com