Librat në gjuhën shqipe janë dërguar edhe në Spanjë

Qendra e Botimeve për Diasporën në Shqipëri ka dërguar tekste shkollore në gjuhën shqipe edhe në Spanjë, shkruan KultPlus.com

Kjo bëhet e ditur përmes një postimi në Facebook teksa Spanja nuk është vendi i vetëm ku janë dërguar këta tekste. Gjatë dy muajve të fundit, Ministria e Diasporës në Shqipëri vazhdimisht ka furnizuar me tekste në gjuhën shqipe shkolla të ndryshme në Europë.

“Nxënësit e shkollës shqipe në Spanjë njihen me njëri-tjetrin dhe pajisen me tekstet shkollore, të cilat janë dërguar nga Qendra e Botimeve për Diasporën, nën kujdesin e Ministrit të Shtetit për Diasporën”, thuhet në postimin e tyre në Facebook.

Në libraritë serbe janë vetëm dy autorë shqiptarë (VIDEO)

Librat e autorëve të ndryshëm shqiptarë janë bërë pjesë e shumë librarive e bibliotekave nëpër botë, por një fat të tillë librat shqiptarë nuk e kanë edhe në shtetin serb.

Virgjil Muçi i ftuar në “Kronikë e Pambaruar” në Ora News tregoi se librat e Ismail Kadaresë dhe “Kurbani” i Edi Ramës ndodhen në libraritë serbe.

“E vërteta është se ne më shumë kemi përkthyer nga shkrimtarë serbë sesa kanë përkthyer ata shkrimtarë shqiptarë”, ka pohuar Virgjili. / KultPlus.com