E bukura Penelope Cruz parakalon në Festivalin e Filmit në Venecia

Aktorja e njohur Penelope Cruz ka arritur në Festivalin e Filmit në Venecia.

Fituese e çmimit Oscar dhe një ndër femrat më të bukura që njeh kinematografia botërore, Penelope është pjesë e filmit “Loving Pablo” i cili u dha në këtë festival prestigjioz të filmit.

“Loving Pablo” ka në kastën e aktorëve Penelopen dhe Javier Bardemin – partnerin e saj edhe në jetën personale. Filmi, sic tregon edhe titulli, flet për jetën e Pablo Escobar – këtij personazhi të njohur në botën e karteleve të drogës. Escobar dashurohet në Virginia Vallejo, dhe këtu nis drama e vërtetë në filmin 123 minutësh.

Penelope ka parakaluar në tepihun e kuq të Festivalit të Filmit në Venecia e shoqëruar nga ekipi i filmit, përfshirë këtu edhe regjisorin Fernando León de Aranoa, shkruan KultPlus.

Në film luajnë, krahas dyshes, edhe Peter Sarsgaard dhe Julieth Restrepo. / KultPlus.com