Festivali i muzikës elektronike “Lumina Electronic” solli ritëm dhe atmosferë për të gjithë adhuruesit e muzikës elektronike.
Aktiviteti dëshmoi edhe një herë se Korça është jo vetëm një qytet i kulturës dhe historisë, por edhe i rinisë dhe energjisë së jashtëzakonshme.
Kryebashkiaku i Korçës, Sotiraq Filo e konsideroi këtë edicion të dytë të festivalit “Lumina”, si të jashtëzakonshëm.
Filo u shpreh se për dy net me radhë, parku “Rinia” u mbush me ritme elektrizuese, energji pafund dhe qindra të rinj që festuan muzikën moderne në një atmosferë që vetëm “Lumina” di ta krijojë.
“Ky edicion e forcoi më tej identitetin e festivalit si një nga eventet më të rëndësishme verore në Korçë, duke tërhequr vizitorë dhe adhurues të muzikës elektronike nga e gjithë Shqipëria dhe rajoni”, tha Filo, në një postim në rrjetet sociale.
Të rinj vendas dhe turistë të huaj u entuziazmuan, në një atmosferë që vështirë të përshkruhet me fjalë.
Lumina Electronic Festival është tashmë një traditë që do të vazhdojë çdo vit, me synimin për të rritur edhe më shumë ndikimin kulturor dhe turistik të Korçës, si një destinacion festash bashkëkohore dhe përjetimesh unike./atsh/KultPlus.com
Festivali i muzikës elektronike “Lumina Electronic” solli ritëm dhe atmosferë për të gjithë adhuruesit e muzikës elektronike.
Aktiviteti dëshmoi edhe një herë se Korça është jo vetëm një qytet i kulturës dhe historisë, por edhe i rinisë dhe energjisë së jashtëzakonshme.
Kryebashkiaku i Korçës, Sotiraq Filo e konsideroi këtë edicion të dytë të festivalit “Lumina”, si të jashtëzakonshëm.
Filo u shpreh se për dy net me radhë, parku “Rinia” u mbush me ritme elektrizuese, energji pafund dhe qindra të rinj që festuan muzikën moderne në një atmosferë që vetëm “Lumina” di ta krijojë.
“Ky edicion e forcoi më tej identitetin e festivalit si një nga eventet më të rëndësishme verore në Korçë, duke tërhequr vizitorë dhe adhurues të muzikës elektronike nga e gjithë Shqipëria dhe rajoni”, tha Filo, në një postim në rrjetet sociale.
Të rinj vendas dhe turistë të huaj u entuziazmuan, në një atmosferë që vështirë të përshkruhet me fjalë.
Lumina Electronic Festival është tashmë një traditë që do të vazhdojë çdo vit, me synimin për të rritur edhe më shumë ndikimin kulturor dhe turistik të Korçës, si një destinacion festash bashkëkohore dhe përjetimesh unike./atsh/ KultPlus.com
Festivali i muzikës elektronike Lumina solli emocion dhe ritëm gjatë dy netëve që kapërcyen çdo pritshmëri.
Aktiviteti dëshmoi edhe një herë se Korça është jo vetëm një qytet i kulturës dhe historisë, por edhe i rinisë dhe energjisë së jashtëzakonshme. Mbrëmja e dytë e Lumina Electronic Festival përfundoi me një superatmosferë. Muzika elektronike, natyra dhe të rinjtë u bënë një dhe e ndezën Korçën për dy net rresht.
Të rinjtë, vendas dhe turistë, u entuziazmuan, në një atmosferë që vështirë të përshkruhet me fjalë.
“Kjo është Korça që po ndërtojmë bashkë, një qytet që rreh ndryshe, që jeton me ritmin e kohës dhe që frymëzon të ardhmen. Faleminderit të gjithëve që ishit pjesë e kësaj përvoje unike”, shkroi kryebashkiaku Sotiraq Filo në rrjetet sociale, ku edhe ndau një album me pamjet nga mbrëmja e fundit, që e cilësoi si “magji nën yje”/atsh/
Spektakli mahnitës i ndriçimit, projeksionit dhe muzikës, Lumina Electronic, për dy netë me radhë gjatë kësaj fundjave u dha adrenalinë të rinjve korçarë, por edhe vizitorëve të shumtë duke e kthyer Parkun “Rinia” në një arenë elektrizuese.
Ky festival unik në vendin tonë, u mbajt për herë të parë në Korçe dhe ndërthuri muzikën me teknologjinë, trendin e kohëve moderne me qëllim promovimin e muzikës elektronike duke sjellë në qytetin juglindor, vizitorë dhe adhurues të kësaj muzike nga brenda dhe jashtë Shqipërisë.
Në të gjithë botën evente të kësaj natyre janë padyshim një element që tërheq miliona vizitorë të cilët rezervojnë shumë kohë përpara pjesëmarrjen në event.
Me pjesëmarrjen e DJ më të njohur, i cili përfshiu shfaqjet e veçanta me projeksione dhe efekte speciale dritash shumëngjyrëshe, fishekzjarre e surpriza të tjera, për organizatorët edicioni i parë i këtij festivali i kaloi pritshmëritë.
Përfaqësuesi i “Tourism for Albania”, Bledar Leka u shpreh se “ky festival organizohet për herë të parë në Shqipëri. Është një ndërthurje midis muzikës elektronike dhe efekteve vizuale. Ky projekt synon të promovoje turizmin. Korçës i mungonte një event rinor. Nëpërmjet këtij eventi synojmë të sjellim sa më shumë të rinj”.
Ai bëri me dije se “në shtator do përgatisim një event tradicional. Do të sjellim serenatat e Korçës me qëllim promovimin edhe jashtë territorit”.
Eventi ndërthuri elementë të traditës në rrugicat e ballkonet karakteristike të Korçës duke kulmuar me performancat muzikore më të bukura tekno nga DJ profesionistë.
Ky festival bëri bashkë interpretues të ndryshëm muzikorë, të cilët përcollën atmosferë elektrizuese me stilin dhe muzikën e realizuar deri në orët e vona të mbrëmjes.
“Festivali tërhoqi të rinj nga çdo cep i Shqipërisë e rajonit dhe gjë që ka sjellë hotele të rezervuara. Lumina Electronic e kemi reklamuar jo vetëm në faqet e festivalit por edhe në shumë kanale të tjera komunikimi, jashtë Korçës”, ka deklaruar për mediet Benila Themeli, nënkryetare e Bashkisë Korçë.
Lumina Electronic synon të kthehet në një nga eventet më të rëndësishme të kalendarit veror për Korçën e më gjerë.
Atmosfera është ndezur veçanërisht nga i mirënjohuri DJ Burak Yeter, i cili u shpreh se i pëlqeu fryma e festivalit, por edhe vendi ku u zhvillua.
“Vendndodhja e këtij koncerti është e bukur dhe jam shumë i emocionuar të rikthehem këtu. Kam ardhur shumë herë në Korçë pasi kam edhe shume miq që jetojnë këtu. Shumë i emocionuar të performoj këtu. Patjetër që do të kthehem përsëri. Atmosfera është e mrekullueshme”, u shpreh Dj, Burak Yeter.
“Më pëlqen shumë që ka evente të tilla dhe mbi të gjitha që po rritet dëshira për muzikën elektronike. Është një risi pasi edhe njerëzit eksplorojnë rryma të ndryshme muzikore. Korça di të bëje dhe serenatat dhe muzikën elektronike”, u shpreh një tjetër Dj.
Edicioni i parë i Festivalit të Muzikës Elektronike LUMINA, duke kombinuar muzikën me artin pamor krijoi një përvojë të paharrueshme në qytetin e serenatave.
Kryetari i Bashkisë së Korçës, Sotiraq Filo e konsideroi një nga festat më të bukura verore në Korçë.
“Bashkia i shton një tjetër festë verore Korçës. Me mbështetjen e Fondit Shqiptar të Zhvillimit si pjesë e projektit Tourism for Albania mbyllet me super sukses edicioni i parë i LUMINA Electronic, që do të organizohet çdo vit në Korçë, si një nga festat muzikore më të rëndësishme të kalendarit veror, me synimin për të tërhequr vizitorë dhe adhurues të kësaj muzike nga brenda dhe jashtë Shqipërisë”, theksoi Filo./ atsh/ KultPlus.com
