Zbulohen letrat e censuruara midis Maria Antonetës dhe të dashurit të saj

Përmbajtja e redaktuar e letrave midis Maria Antonetës dhe të dashurit të saj të përfolur, kontit Hans Axel von Fersen, është zbuluar duke përdorur skanime me rreze X.

Ishin këto letra të shkëmbyera nga mbretëresha franceze dhe konti suedez Axel von Fersen, gjatë Revolucionit Francez. Letrat u analizuan nga një ekip shkencëtarësh në Francë. Ato ishin të dërguara nga qershori 1791 deri në gusht 1792, ndërsa mbaheshin në arkivat kombëtare franceze.

Ekspertët ishin në gjendje të bënin fillimisht dallimin midis bojërave të përdorura për redaktimin. U diferencuan edhe ato të përdorurat për të shkruar tekstin fillestar.

Në këtë mënyrë, duke përdorur teknika dhe bojëra të ndryshme, mbretëresha dhe konti ishin në gjendje të hartonin tekste të fshehura. Kishin përdorur edhe fjalë si “i dashur”, “adhuroj” dhe “çmendurisht”, çka nënkuptonte marrëdhënien e ngushtë midis tyre.

Për më tepër, ekipi përmes metodave që përdori për të zbardhur letrat, arriti në përfundimin se ishte konti vetë ai që redaktoi pjesë të letrave. Përdori edhe censurën në përmbajtjen e tyre.

Gjithashtu, studimi zbuloi edhe se konti von Fersen ndihmoi në organizimin e një përpjekje të dështuar për të kontrabanduar familjen mbretërore jashtë Francës.

Ata që pëlqejnë muzikën e Johnny Cash, e njohin pasionin e tij të çmendur për të shoqen, June. Një letër që ai i dërgonte të shoqes me rastin e 65- vjetorit të lindjes. Është votuar si letra e dashurisë më e bukur në botë. Në letrën e shkruar në vitin 1994, Johnny Cash i uron ditëlindjen gruas përmes fjalëve te zgjedhura e te ndjeshme.

“Po plakemi e po mësohemi me njëri- tjetrin. Mendojmë njësoj.

I lexojmë mendjen njëri- tjetrit. E dimë se çfarë duam, pa pyetur.

Ndonjëherë e iritojmë nga pak njëri-tjetrin.

Ndoshta, ndonjëherë e marrim njëri-tjetrin si të mirëqenë.

Por, ka raste, si sot, që meditoj për këtë dhe e kuptoj sa me fat jam që kam ndarë jetën, me gruan më të mrekullueshme që kam takuar ndonjëherë…/ KultPlus.com

Shtatë milionë euro për dy byzylykë të Mari Antuanetës

Dy byzylykë që i përkisnin mbretëreshës së Francës, Mari Antuanetë, u shitën në ankand për mbi shtatë milionë euro nga ”Christie’s”.

Është hera e parë që byzylykët e mbretëreshës së Francës, bashkëshortja e Luigjit XVI, e përbërë nga një total prej 112 diamantesh, është nxjerrë në ankand.

Dy byzylykët u shitën për vetëm pesë minuta.

”Ka pasur më shumë ofertues.(…) Ankandi i parë ishte për pesë milionë franga zvicerane, gjë që tregon entuziazmin e koleksionistëve në përpjekje për të fituar një pjesë të vërtetë të historisë, e cila ka qëndruar në të njëjtën familje prej 200 vitesh”, deklaroi kompania e ankandit ”Christie’s”.

Përpara se të përpiqeshin të arratiseshin nga Franca me Luigjin XVI dhe fëmijët, pas Revolucionit Francez, Mari Antuaneta i dërgoi bizhuteritë e saj në Bruksel, nga ku ishin dorëzuar më vonë te të afërmit e saj në Austri. / KultPlus.com

Maria Antonieta, fati i një mbretëreshe; një spektakël i magjishëm tregon jetën dhe vdekjen e saj

Një spektakël i magjishëm në qiellin e natës me fishekzjarre të lëshuara nga një skenë dhe me kostume të kuruara më së miri në kopshtet e Versajës në “Mari-Antonieta, fati i një mbretëreshe. Për katër spektakle në muajin e korrikut, kompania teatrale piroteknike franceze, Grupi F, prezanton një spektakël një orësh ngjyrash, dritash dhe muzike, me të cilin tregon historinë e jetës dhe vdekjes së mbretëreshës së fundit të Francës.

“Të gjithë ne jemi përgatitur që herët dhe presim në prapaskenë. Unë kam edhe një peshë të madhe për të mbajtur mbi shpinë dhe m të duhet të dalë në skenë, të pretendoj se nuk ndjej asgjë, dhe madje edhe të kërcej…është shkatërruese për trupin tim, kjo është e sigurt… Nuk e di se si mund ta përballonin gjithë këtë në atë kohë”, thotë një prej anëtareve të grupit.

Kompania ka katër vite që punon për skenat në Versajë. Dhe këtë vit është përgatitur një spektakël i veçantë. Është punuar për adoptimin e tekstit historik në momentet më të rëndësishme të jetës së Mari Antonetës. Në të njëjtën kohë, autorët janë përpjekur t’i bëjnë ato edhe pak magjike.

Shiten perlat e Maria Antonetës për një shifër marramendëse

Një varëse me diamante dhe një perlë natyrore me një prerje të jashtëzakonshme në formë dardhe (26 mm x 18 mm), që ishte në pronësi të mbretëreshës franceze, Marie Antoinette (1755-1793), është blerë me një çmim rekord në një ankand në Gjenevë të Zvicrës. Xhevahiri ishte shitur për 28.1 milionë euro. Vlera fillestare ishte vlerësuar një deri në dy milionë dollarë, shkruan albinfo.ch.

Shtëpia e ankandit ‘Sotheby’ në Gjenevë tha se kurrë më parë nuk ka ndodhur që një margaritar të jetë shitur në ankand për një çmim kaq të lartë.


Varëse me perla të varura nga diamanti ishte nga shtëpia fisnike ‘Bourbon-Parma’.

Varësja e Marie Antoinette ka një sfond tragjik: Fundi fatal do të trokiste më 21 shtator 1792, kur Luigji XVI u rrëzua nga froni dhe familja mbretërore u burgos në burgun e Tempullit. Tetë muaj pas ekzekutimit të të shoqit, Marie Antoinette ishte vetëgjykuar, ishte dënuar nga Konventa për tradhti të parimeve të revolucionit dhe ekzekutohet në gijotinë më 16 tetor 1793.

Edhe pas vdekjes së saj, Marie Antoinette është konsideruar pjesë e kulturës popullore dhe një figurë historike e Francës, duke rrëmbyer interesin e shkrimtarëve dhe krijuesve.

Mes objekteve të çmuara të koleksionit të mbretëreshës figurojnë gjithashtu një palë vathë me perla që vlerësohen mes 200 000 dhe 300 000 dollarë dhe një varëse me perla fine, çmimi i të cilës arrin deri në 70 000 dollarë.