”Miss Anglia” lë kurorën e bukurisë për të punuar si doktoreshë në ndihmë të të prekurve me Coronavirus

Një mbretëreshë bukurie e cila u kurorëzua “Miss Anglia” në vitin 2019 është rikthyer në Mbretërinë e Bashkuar për të vazhduar karrierën e saj si mjeke mes pandemisë së coronavirusit.

Bhasha Mukherjee bëri një pushim në karrierë si mjeke pasi mori pjesë në “Miss World” në dhjetor të vitit 2019, ndërsa e përfaqësoi Anglinë.

E ftuar të jetë ambasadore për disa bamirësi, Mukherjee kishte planifikuar të vë stetoskopin e saj dhe të përqëndrohet në punën humanitare deri në gusht të këtij viti.

Bhasha Mukherjee

“Më ftuan në Afrikë, në Turqi, pastaj në Indi, Pakistan dhe disa vende të tjera të Azisë për të qenë një ambasadore për punë të ndryshme bamirësie”, ka thënë ajo për CNN.

Në fillim të marsit, 24-vjeçarja kishte qenë në Indi për katër javë në emër të ‘Coventry Mercia Lions Club’, një organizatë bamirësie për zhvillimin dhe bashkësinë për të cilën ajo ishte ambasadore.

Ata vizituan shkollat dhe gjithashtu dhanë para për një shtëpi për vajzat e braktisura.

Por, ndërsa situata e coronavirusit u përkeqësua në Britani të Madhe, 24-vjeçarja po merrte mesazhe nga ish-kolegët, duke i thënë asaj se sa e vështirë ishte situata për ta.

Më pas, ajo kontaktoi ekipin drejtues të spitalit për t’i njoftuar se dëshironte të kthehej në punë.

Bhasha Mukherjee

Bhasha, e cila u transferua në qytetin anglez të Derby nga Kolkata në moshën 9-vjeçe, tha: “Ndjeva një ndjenjë të tillë për të qenë pjesë e këtij sektori të veçantë tani”.

“Ështe e jashtëzakonshme në mënyrën sesi e gjithë bota po festonte të gjithë punëtorët kryesorë, dhe unë dëshiroja të isha një nga ata dhe e dija se mund të ndihmoja”, vazhdon ajo.

Dhe kështu Mukherjee u kthye në Mbretërinë e Bashkuar të mërkurën, pasi punoi me Komisionin e Lartë Britanik në Kolkata për të gjetur një fluturim nga India për në Frankfurt, pastaj në Londër.

“Nuk ka kohë më të mirë për mua që të jem Miss Anglia dhe të ndihmoj Anglinë në një kohë nevoje”, shton më tutje Bhasha.

Mukherjee është duke u izoluar për një deri në dy javë derisa të mund të kthehet të punojë si mjeke në spitalin ‘Pilgrim’.

Bhasha Mukherjee

Që nga e hëna, Mbretëria e Bashkuar kishte regjistruar më shumë se 48,000 raste të coronavirusit dhe gati 5,000 vdekje, sipas shifrave të Universitetit Johns Hopkins. / KultPlus.com

Miss Anglia 2018, për herë të parë një finaliste me hixhab

Një nga 50 finalistet e Miss Anglia 2018, është edhe 20-vjeçarja Sara Iftekhar nga Huddersfield (Britani e Madhe). Ajo do të garojë për kurorën e bukurisë së Mbretërisë së Bashkuar, në Kelham Hall, Nottinghamshire.

Për herë të parë në historinë e këtij konkursi, merr pjesë një konkurrente e veshur me hixhab.

Sara ka fituar titullin e Miss Huddersfield 2018 dhe Miss Yorkshire Popularity në 2018 dhe tani shpreson të marrë këtë kurorë. “Do të jem gjithmonë mirënjohëse që m’u dha kjo mundësi”, ka komentuar vajza.

Finalja e kompeticionit do të mbahet në Kelham Hall, Nottingham, të martën në 11 shtator dhe në të do të marrin pjesë 50 vajza nga i gjithë vendi, për të fituar titullin e Miss Anglia 2018.

Fituesja do të fluturojë në Sanya, Kinë, në Konkursin e Miss Bota 2018.

Tani Sara po përdor të gjithë popullaritetin e saj për të mbledhur fonde për fëmijët dhe të rinjtë në nevojë në të gjithë botën.

Në bashkëpunim me “Beauty With Purpose”, ajo ka lançuar një mbledhje fondesh në GoFundMe, shkruan atsh.

“Kam marrë pjesë në Miss 2018 për të treguar që bukuria nuk ka një përkufizim: Çdo njeri është i bukur në mënyrën e tij, pavarësisht nga pesha, raca, ngjyra apo forma”, ka shpjeguar vajza./ KultPlus.com

Kosovarja refugjate konkurrente për më të bukurën e Anglisë (FOTO)

Një doktoreshë frymëzuese dhe modele, familja e së cilës ka ikur nga lufta e Kosovës për në Manchester si refugjatë, do të konkurrojë për t’u bërë Miss Anglia e ardhshme.

Fatime Gashi është në garë për kurorën kombëtare pasi fitoi konkursin e Miss Manchester, transmeton Koha.net. 21 vjeçarja, studente në universitet dhe vullnetare e bamirësisë, e “shokoi” jurinë me pamjen e saj mahnitëse dhe mesazhin e saj frymëzues që thotë “çdo herë që ndihmoni dikë, jeni një hero”.

Bërja Miss Manchester erdhi si një goditje e madhe për Fatimen, e cila hyri në këtë konkurs në minutën e fundit pasi një tjetër konkurrente është larguar, raporton Manchester Evening News.

Fatime ishte vetëm dy vjeçe kur familja e saj në vitin 1999 si refugjatë filloi jetën e re në Manchester, saktësisht në Salford.

Ajo është në gjysmën e rrugës për të diplomuar në biomjekësi në Universitetin e Salfordit dhe jeton me babanë e saj Demushin, instruktor i vozitjes, nënën Qefseren, e cila punon për Amazon dhe me vëllanë dhe motrën e saj, të dytë më të vegjël se ajo.

“Manchester më ka dhënë shumë dhe ndjehem sikur kjo është rruga ime për t’ia kthyer qytetit tim. Kjo ende është sikur një ëndërr”, ka thënë Fatime pasi mori kurorën e Miss Manchester.