”Sa merreni me fjalë, një lutje në heshtje ju nderon ma shumë”

Nga Elona Çuliq

Vdes një gru e shkojnë gjindja me e përcjellë e me u pa. Si e don zakoni rreth e rrotull trupit të pajetë janë bijat, motrat, kunetitë e ndoj njiri tjetër i afërt. Pak para se me ardhë ora me përcjellë xhenazen, kur edhe dhimbja e vaji randohen, dy gra, e gjejnë me vend që me komentue me njena-tjetrën palën e shkepun të çarçafit me t’cilin ishte mblue trupi I grues së vdekun.

Përpos çdo mendimi e fjale që të vardiset në mendje kundrejt këtij gjesi, njeriu s’don me u ba hor dhe I thotë vedit “nuk kanë respekt për jetën e vdekjen e as dhimbjen”.

Njejtë më ngjajnë edhe këta njerëzit që në këto ditë fatkeqësie e mortit, shpërndajnë video dhe komente ku shfaqen njerëzit duke “zgjedhë” teshat a duke lanë ushqimet në qiell të hapun.

Leni rehat njerëzit në dhimbjen e tyne. Ai që ka pa vdekjen me sy e ka mbetë pa shpi, nuk e ka mendjen te pala e shkepun e çarçafit e as me zgjedhë tesha e me sistemu ushqime.

Sa merreni me fjalë, një lutje në heshtje ju nderon ma shumë!/ KultPlus.com