‘Ekspozita e deteve’, paraqiten punime të epokës së Homerit dhe Odises

Orion Shima na merr përdore për të na zbuluar një udhëtim magjik në mitolet dhe bukurinë e pastër të Mesdheut, nëpërmjet pikturës së tij.

“Deteve ngjyrë vere” quhet ekspozita e tij e fundit në Galerinë Fab.

Në këtë ekspozitë pasqyrohet gjithçka që i përket kulturës së kohës së Homerit, Odisesë, sojlinjtë e Kadmusit e të Harmonisë, çiftit që la Tebën me historikun e mbartur të fatkeqësive familjare, e që më pas pëson metamorfozën…  figura që s’dinë ta çmojnë kohën në Olimp, e si pasojë humbasin në gjera të pavlera…

Më pas shfaqet Zeusi në pasionet e veta, më tej Edipi para Sfinksit. Udhëtimi i Shimës na çon pastaj tek “Metamorfozat” e Ovidit. Të gjitha këto tablo na flasin për ikjen, tragjizmin, humbjen e kohës në një det kotësie, apo më keq, vesesh e shthurje.

Temat e tilla, që janë sa historike dhe të ndërtuara nga Historia e Artit, Shima i ka ndërthurur me një linjë modern, duke të dhënë një mundësi që ti ta rishikosh dhe ta transformosh fabulën… ta risjellësh në kohën tënde, në kohë ku autori dhe ne jetojmë./ TopChannel/ KultPlus.com

‘Kjo vjeshtë’, ekspozita e piktorit Orion Shima në galerinë FAB

“Kjo vjeshtë” titullohet ekspozita e piktorit Orion Shima, e çelur në galerinë FAB.

Ministrja e Kulturës, Elva Margariti ka vizituar dje ekspozitën ku shprehet se, “kjo vjeshtë” e piktorit Orion Shima, një shkëputje nga e përditshmja e zhurmshme, për t’u njehsuar me natyrën, ngjyrat dhe aromën e stinës”.

Në këtë ekspozitë janë prezantuar 19 vepra në vaj të realizuara përgjatë dy viteve të fundit, të cilat vijnë në formën e një triptiku, ku autori i kundërvihet indiferencës ndaj natyrës edhe përmes ciklit të dordolecëve.

Veprat e tij sjellin shkëputje nga e përditshmja e zhurmshme, për t’u njehsuar me natyrën, ngjyrat dhe aromën e stinës.

Tablot e Shimës, sërish ruajnë dimensione të mëdha, madje motivet e kopshtit të “kësaj vjeshte” vijnë në përmasat 3.60 me 2.20 m.

Kjo ekspozitë e kuruar nga Parid Teferiçi do të qëndrojë e hapur deri në datën 3 prill, në Galerinë FAB./atsh/KultPlus.com