Këngëtari Naser Berisha ka publikuar projektin e tij më të ri “Paradox”.
Ai ka trajtuar gjendjen aktuale në Kosovë, e paradoksin që sipas tij ekziston në këtë vend, transmeton Koha.net.
Berisha rikthehet pas një kohe të gjatë në skenën muzikore, me një projekt krejtësisht ndryshe nga hitet që ka tashmë. “A më kujton” e “Do të doja”, janë dy këngët e tij më të njohura./KultPlus.com
https://www.youtube.com/watch?v=1qN_OJBJB4E&feature=youtu.be
Këngët e Naser Berishës ende kujtohen dhe përçojnë emocionet e njëjta si në kohën kur janë krijuar. Pas 15 vitesh, ai ka paralajmëruar se së shpejti do ta sjellë një këngë të tillë “të pavdekshme”, shkruan KultPlus.
Ai ka thënë se ka zgjedhur pikërisht këtë kohë që kënga e tij të ketë një distancë me këngët me klipe të manikeneve dhe me klipe me vetura të huazuar. Kënga e tij e titulluar “Paradox”, ka temë sociale dhe flet për realitetin e përditshëm.
Më poshtë ju sjellim postimin e plotë të Berishës.
Po vije një këngë paksa jashtë „sezonës“, por një këngë që flet për një „sezonë“ 20 vjeçare.
Jo rastësisht prita të kaloj koha e klipeve të manekeneve, prita të kaloj edhe koha e klipeve për reklamimin e veturave të huazuara.
Tani që shkuan edhe këngët orientale e rome me tekste shqip, pasi që shkuan këngët me surla e tarabukat, mendova që pas plot 15 viteve (nga kenga „Hajt shko“) të kthehemi në botën tonë reale, me një këngë me temë sociale, me një tekst të thellë dhe me një mesazh, sa artistik, aq edhe domethënës.
Mesazhi i këngës është realiteti që e përjetojmë çdo ditë, por nuk e ndjejmë dot, e edhe në rastet kur e ndjejmë, nuk e themi dot!
Në ditët në vijim kënga dhe klipi i ri nga unë „PARADOX“
Disa foto gjatë xhirimeve bashkë me disa artistë nga Gjilani dhe me regjisorinEkrem Sopin
Ne rolin e tij të parë ishte edhe Beni (djali im i vogël)
