Revista amerikane ‘PopDust’: Era Istrefi, e destinuar për gjëra të mëdha (FOTO)

Era Istrefi ka arritur të jetë tashmë një emër i spikatur në tregun ndërkombëtar.

Ajo tashmë bëhet shpesh herë edhe top lajm për sukseset e saj.

Së fundmi, revista e njohur amerikane “PopDust”, e cila në numrat e saj promovon vetëm artistët pop, ka intervistuar këtë javë këngëtaren nga Kosova.

“E ardhur nga një qytet i vogël i Kosovës, Era Istrefi gjithmonë ka ëndërruar që ta ndajë muzikën e saj me botën dhe kjo po i ndodh tash për tash”, janë fjalët me të cilat revista amerikane nis shkrimin për Erën.

Ndërkohë këngëtarja Istrefi është shprehur gjatë intervistës se beson në mrekulli.

Duke besuar sinqeritetin e saj, Era ka vazhduar rrëfimin duke treguar se e tmerron paksa fakti që nuk e njeh edhe aq mirë industrinë amerikane të muzikës, por që po mëson më shumë dita-ditës për të.

Këtu mund të lexoni intervisten e plotë: https://www.popdust.com/gen-era-istrefi-exclusive-interview-2498521056.html

Ndryshe, projekti i saj i fundit në bashkëpunim me reperin French Montana, është pëlqyer shumë nga fansat e saj. / KultPlus.com